मोठी बातमी! मनोज जरांगे पाटील यांना थेट मुंबई पोलिसांची नोटीस, नेमकं काय आहे प्रकरण?

बीड : मराठा आरक्षणासाठी आंदोलन उभारणारे मनोज जरांगे पाटलांची अडचण वाढण्याची शकत्या आहे. मनोज जरांगे पाटील आणि विरेंद्र पवार यांना मुंबई पोलीसांनी नोटीस जारी केली आहे. मार्च महिन्यात दाखल झालेल्या गुन्ह्याच्या तपासासाठी ही नोटीस पाठवण्यात आली आहे.

तसेच या नोटीशीत जरांगे पाटलांना १० तारखेला चौकशीसाठी हजर राहण्याचे आदेश देण्यात आले आहेत. मार्च-एप्रिलमध्ये मनोज जरांगे पाटील, विरेंद्र पवार आणि आणखी काही सहकाऱ्यांवर मुंबईच्या आझाद मैदान पोलीस ठाण्यात गुन्हा दाखल करण्यात आला होता.

या प्रकरणाचा तपास पोलीस करत आहेत. यात तपासाच्या अनुशंगाने चौकशी करण्यासाठी मनोज जरांगे पाटील आणि सहकाऱ्यांना नोटीस बजावण्यात आली आहे. या नोटीशीत त्यांना १० तारखेला चौकशीसाठी हजर राहण्याचे आवाहन करण्यात आले आहे.