आई म्हणावं की हैवाण! २९ व्या मजल्यावरून ८ वर्षाच्या लेकीला फेकले, अन् त्यानंतर…
मुंबई : पनवेलमधून एक धक्कादायक घटना समोर आली आहे. आईने आपल्या पोटच्या ८ वर्षांच्या मुलीला २९ व्या मजल्यावरून खाली फेकल्याचा धक्कादायक प्रकार उघडकीस आला आहे. तिचं येवढ्यावरच भागलं नाही. त्यानंतर तिने स्वत:चं जिवन ही संपवलं आहे.
होळीच्याच दिवशी ही घटना घडल्याने सर्वच जण हादरून गेले आहेत. पनवेल पोलीस घटनास्थळी तात्काळ पोहचले. त्यानंतर त्यांनी हत्या आणि त्यानंतर झालेल्या आत्महत्या या मागचं कारण शोधण्यास सुरूवात केली आहे.
पनवेलमधील पळस्पे परिसरातील ही घटना असल्याची माहिती मिळतेय. मुलीला २९ व्या मजल्यावरील बेडरूमच्या खिडकीतून फेकून आईने आत्महत्या केल्याचा धक्कादायक प्रकार पनवेल परिसरात घडला आहे. पनवेल येथील पळस्पे परिसरात असणाऱ्या बिल्डिंगमध्ये हा प्रकार घडला आहे.
या प्रकरणी पनवेल शहर पोलीस ठाण्यात गुन्हा नोंद करण्यात आली असून याप्रकरणी पोलीस उपनिरीक्षक प्रियंका शिंदे या अधिक तपास करत आहेत. आईने आपल्या मुलीला २९ व्या मजल्यावरून का फेकले? मुलाला २९ व्या मजल्यावरून फेकून दिल्यानंतर स्वतःनेही उडी का मारली? याची माहिती अद्याप समोर आलेली नाही.
