आई कामात व्यस्त होती, माजी मंत्र्याची लेक दुसऱ्या मजल्यावर गेली अन् संपवलं आयुष्य, घटनेने उडाली खळबळ….
माजी मंत्र्याच्या मुलीने आत्महत्या केल्याची धक्कादायक घटना समोर आली आहे. यामुळे एकच खळबळ उडाली आहे. आसामचे माजी गृहमंत्री भृगु कुमार फुकन यांच्या एकुलत्या एक मुलीचं निधन झालं आहे. या मुलीने आपलं आयुष्य संपवलं आहे. या तरुणीचं नाव उपासना फुकन असून ती २८ वर्षांची होती.
याबाबत तपास सुरू असून आत्महत्या करण्याचे कारण अजून समोर आलं नाही. उपासनाने २० मार्चला तिच्या गुवाहाटी येथील खारघुली परिसरातील राहत्या घरात आपली जीवनयात्रा संपवली. तिने घराच्या दुसऱ्या मजल्यावरुन उडी घेतली. ज्यात तिचा मृत्यू झाला आहे. यामुळे राज्यात मोठी चर्चा सुरू झाली आहे.
दुसऱ्या मजल्यावरुन उडी घेतल्यानंतर तिला जखमी अवस्थेत तात्काळ गुवाहाटी मेडिकल कॉलेजमध्ये नेण्यात आलं. तिथे डॉक्टरांनी तिला तपासून मृत घोषित केलं. याबाबत आकस्मिक मृत्यूची नोंद केली आहे. सध्या प्रकरणाचा तपास सुरु आहे. याबाबत पोलिसांनी तिच्या जवळच्या व्यक्तींकडे तपास सुरू केला आहे.
तसेच उपासना गेल्या अनेक काळापासून मानसिक आजाराने ग्रस्त होती. ती यासाठी उपचारही घेत होती. यातून तिने हे पाऊल उचलले असल्याचे सांगितले जात आहे. उपासनाने यापूर्वही आपला जीव देण्याचा प्रयत्न केला आहे. रविवारी जेव्हा तिची आई घरच्या कामांमध्ये व्यस्त होती, तेव्हा ती दुसऱ्या मजल्यावर गेली आणि तिने उडी मारली.
