मनसेची क्रियेला प्रतिक्रिया ! ठाण्यात उध्दव ठाकरेंच्या ताफ्यावर शेण व नारळ फेकले ,सभेतही गोंधळ

Uddhav Thackeray : ठाणे येथे उद्धव ठाकरेंच्या सभेच्या ठिकाणी मनसे कार्यकर्त्यांनी गोंधळ घातल्याची माहिती समोर आली आहे. यामुळे सगळीकडे एकच खळबळ उडाली आहे. राज ठाकरेंच्या कार्यकर्त्यांनी उद्धव ठाकरेंच्या ताफ्यावर शेण फेकल्याची घटना घडली आहे. त्याचवेळी शिवसेना (उबाठा) प्रमुखांच्या ताफ्यावर पक्षाच्या महिला कार्यकर्त्यांनी बांगड्या फेकल्या.

 

 

शुक्रवारी मनसे अध्यक्ष राज ठाकरे महाराष्ट्र दौऱ्यावर असताना शिवसेनेच्या (उबाठा) कार्यकर्त्यांनी राज ठाकरेंच्या ताफ्यावर सुपारी फेकली. याचा बदला घेण्यासाठी मनसे कार्यकर्त्यांनी हे कृत्य केल्याचे मानले जात आहे.

 

यापूर्वी छत्रपती संभाजीनगरमध्ये मनसे अध्यक्ष राज ठाकरे यांच्या ताफ्यासमोर सुपारी फेकण्यात आली होती. त्यानंतर आता मनसे कार्यकर्त्यांनी थेट उद्धव ठाकरेंच्या गाडीवर हल्ला केला. उद्धव ठाकरेंचा ताफा जात असताना कार्यकर्त्यांनी त्यांच्या गाडीवर शेण फेकले. याशिवाय बांगड्या, टोमॅटोही फेकण्यात आले आहेत.