माळेगावचा कारखाना जगात भारी! स्वागताने परदेशी विद्यार्थी भारावले….!
बारामती : बारामती येथील माळेगाव सहकारी साखर कारखान्याच्या भेटीसाठी परदेशी नागरिक आले आहेत. माळेगाव सहकारी साखर कारखान्याच्या भेटीच्या वेळी माळेगाव कारखाने ने केलेल्या पाहुणचारामुळे परदेशी विद्यार्थी भारावून गेले. तसेच त्यांनी कारखान्याचे कौतुक केले आहे.
विद्यार्थ्यांनी माळेगाव साखर कारखान्याच्या विविध विभागांना भेट देऊन सविस्तर माहिती घेतली. साखर कारखान्यात ऊस आल्यापासून साखर तयार होण्यापर्यंतची सर्व प्रक्रिया समजावून घेतली त्याचबरोबर कारखान्याच्या उपपदार्थ निर्मिती प्रकल्प नाही भेट देऊन माहिती घेतली आहे.
दरम्यान, इरोहा सुई, पेड्रो हेरीरा मोलीना, ल वूरा डी, गेब्रीएला नटाचा, फेलीप आरडीगोंडा सीलवा, सिमोन मालींगर, ज्युलिया हरुमी विन्सेन्स ई मील, यासीन कासिआ डि-सूझा, वेरोनिका कोस्टा फरिआ, हेनरी क्यू दि इलिया सेन, अर्थूर फेरी इरा लीओ या पाहुण्या विद्यार्थ्यांचा सहभाग होता. ते कारखाना बघून भारावून गेले. कारखान्याचे अध्यक्ष बाळासाहेब तावरे यांच्या मार्गदर्शनाखाली कारखान्याचे उपाध्यक्ष सागर जाधव, व्यवस्थापकीय संचालक राजेंद्र जगताप, संचालक योगेश जगताप यांनी स्वागत केले आहे.
दरम्यान, आंतरराष्ट्रीय रोटरीच्या परदेशी विद्यार्थी आदान प्रदान कार्यक्रमांतर्गत रोटरी डिस्ट्रिक्ट आणि रोटरी क्लब बारामती यांनी संयुक्त विद्यमाने हा कार्यक्रम आयोजित केला होता.
