मुंबई विमानतळावर मोठी कारवाई, उशांच्या कव्हरमधून तब्बल 6 कोटी रुपयांच्या गांजा जप्त

मुंबई : गेल्या काही दिवसांपासून मुंबई विमानतळ धमक्यांच्या कारणामुळे चांगलेच चर्चेत आले आहे.अशातच आता विमानतळावर एका धक्कादायक गांजा तस्करी प्रकार उघडकीस आला आहे. सीमाशुल्क विभागाने दोन प्रवाशांच्या उशांच्या कव्हरमधून तब्बल सहा कोटी रुपयांच्या गांजाची तस्करी रोखलेली आहे. बँकॉकहून मुंबई आलेल्या एफ.एफ. रंगवालाला याला तस्करीसाठी अटक करण्यात आली. या घटनेमुळे परिसरात खळबळ उडाली आहे.

समोर आलेल्या माहितीनुसार, प्रवाशाने उशांच्या दोन खोळींच्या आत फुले आणि फळांच्या खाली गांजा लपवला होता. या प्रकारातून प्रवाशांनी बऱ्याच काळापासून तस्करीसाठी हा मार्ग वापरल्याची शक्यता आहे. तर सीमाशुल्क अधिकाऱ्यांनी सांगितले की, उशांच्या खोळींच्या चौकशीत सामान्य बॅगेची तपासणी केली असता गांजा लपवलेला आढळला. हा प्रकार विमानतळ सुरक्षा आणि प्रवाशांच्या तपासणीत किती सावधगिरी बाळगली जाते, हे पुन्हा एकदा स्पष्ट करतो. रंगवालाच्या बॅगेत एकुण 12 पाकिटांतून हा गांजा सापडला, ज्याची बाजारातील किंमत तब्बल सहा कोटी रुपये आहे.या तस्करीच्या प्रकरणामुळे मुंबई विमानतळावरील सुरक्षा चाचणीला मोठा धक्का लागला आहे.

दरम्यान दुसऱ्या प्रकरणातही बँकॉकहून आलेल्या ए.बी. हसम या प्रवाशाला 6 कोटींच्या गांजा तस्करीसाठी अटक करण्यात आली आहे. दोन्ही प्रकरणांमध्ये प्रवाशांनी उशांचा वापर करून गांजा लपवण्याचा धाडसी प्रयत्न केला होता.सीमाशुल्क विभागाने या प्रकरणाचा तपास सुरु केला असून, पुढील चौकशीत गांजा आणणाऱ्यांपर्यंत पोहोचण्याचा प्रयत्न सुरू आहे.दरम्यान आंतरराष्ट्रीय प्रवाशांचा तपास आणि बॅगेची काटेकोर तपासणी केल्यामुळेच या मोठ्या तस्करीला आळा बसला आहे.