हडपसर सासवड रोडवर मोठा अपघात, चारचाकी गाडीने महिला सफाई कामगाराला चिरडले

पुणे : हडपसर सासवड रोडवर रस्त्याच्या कडेला झाडू मारणाऱ्या एका महिला कर्मचाऱ्याला एका व्यावसायिक चारचाकी कारने जोरदार धडक दिल्याने सदर महिलेचा जागेवरच मृत्यू झाल्याची घटना घडली आहे. ही घटना सातववाडी परिसरात सकाळी साडेसात वाजण्याच्या सुमारास घडली आहे.

छाया भाजनदास शिंदे ( वय ४५ रा. डवरीनगर, विशाल नगर, आकाशवाणी, हडपसर ) असे मृत्यू झालेल्या महिलेचे नाव आहे.

मिळालेल्या माहितीनुसार, सासवड रोड सातववाडी येथे प्रशांत सुरसे यांच्या ऑफिसच्या समोर रस्त्याच्या कडेला छाया शिंदे ह्या रस्ता स्वच्छ करण्याचे काम करीत होते. यादरम्यान व्यावसायिक कार जोरात आली आणि तिने सर्वप्रथम फुटपाथ धडक देऊन महिलेला धडक दिली, महिला समोरच्या चाका खाली अडकल्याने तिला दहा ते पंधरा फूट फरपटत नेले.

यामध्ये तिचा जागीच मृत्यू झाला. नागरिकांनी धाव घेऊन सदर महिलेला बाहेर काढले. महिला महापालिकेच्या ठेकेदाराची कर्मचारी म्हणून काम करीत होत्या. घटनास्थळी नागरिकांनी व धाव घेऊन महिलेला शिवविच्छेदनासाठी रुग्णालयात
पाठवले.

दरम्यान, पोलिसांनी कार चालकाला अटक केली असून त्याच्यावर गुन्हा दाखल करण्याचे काम सुरू आहे.