गर्दीचा फायदा घेऊन PMPML बसमध्ये चोरी, लोणीकंद पोलिसांनी महिलेला ठोकल्या बेड्या..

पुणे : पुण्यात मागील काही दिवसांपासून गर्दीचा फायदा घेऊन PMPML बसमधून प्रवास करणाऱ्या महिला प्रवाशांच्या पर्समधून मोबाईल, पाकीट चोरीचे प्रकार वारंवार घडत आहेत.

याच पार्श्वभूमिवर लोणीकंद पोलिसाच्या तपास पथकाने एका महिलेला वेशांतर करुन अटक केली आहे. ही कारवाई रविवारी (ता.३ ) रोजी केसनंद फाटा वाघोली येथे करण्यात आली.

मिळालेल्या माहिती नुसार, बसमध्ये चोरी करणाऱ्यांचा शोध घेण्यासाठी लोणीकंद पोलीस ठाण्यातील पोलीस अंमलदार पांडुरंग माने व दिपक कोकरे 3 सप्टेंबर रोजी वेशांतर करुन बसमधून प्रवास करत होते.

दुपारी दोनच्या सुमारास एक महिला तिच्या पतीसोबत बसमध्ये चढली. त्यावेळी एका महिले पुरुषाचे पाकिट काढून पळून जाण्याचा प्रयत्न केला. आरडा ओरडा एकून काही अंतरावर असलेल्या पोलिसांच्या पथकाने तात्काळ घटनास्थळी धाव घेतली.

पोलिसांनी महिलेला पाठलाग करुन पकडले तर तिच्यासोबत असलेला तरुण गर्दीचा फायदा घेऊन पळून गेला. महिलेकडून चोरीचा मुद्देमाल जप्त केला. अटक केलेल्या महिलेच्या इतर साथीदारांचा पोलीस शोध घेत आहेत.