पुणे शहर परिसरात बिबट्याची दहशद, शहरात भीतीचे वातावरण…!
पुणे : पुण्यातून सध्या एक मोठी बातमी समोर आली आहे. पुण्यात कोंढवे धावडे येथील एका सोसायटीच्या परिसरात बिबट्या दिसल्याने एकच खळबळ उडाली आहे. यामुळे आता प्रशासन सतर्क झाले आहे.
पुणे शहराच्या जवळ पुन्हा बिबट्याचा वावर दिसला आहे. या बिबट्याच्या हालचाली सीसीटिव्हीमध्ये दिसत आहेत. यामुळे स्थानिकांमध्ये भीतीचे वातावरण पसरले आहे. याबाबत अजूनही खात्री पटली नाही.
वनविभागाच्या केलेल्या शोध मोहिमेत तो बिबट्या नसून रान मांजर असल्याचे सांगितले. तर सुरक्षा रक्षकाच्या दाव्यानुसार तो बिबट्या आहे असे सांगितले जातेय. यामुळे सध्या नागरिकांना बाहेर पडताना दक्षता घेणे गरजेचे आहे.
या बिबट्याचे १० मार्चला पहाटे दर्शन झाले होते. दरम्यान, पुणे जिल्ह्यात राजगुरूनगर तसेच जुन्नर भागातबिबट्याचा वावर कायम दिसतो. असे असताना आता मात्र शहरात हा वावर दिसून आल्याने चिंता व्यक्त केली जात आहे.
