लालू आणि त्यांच्या कुटुंबीयांवर नोकरीच्या बदल्यात जमीन घेतल्याचा आरोप! ईडीची झडती सुरू…!
पाटणा : जमिनीच्या बदल्यात नोकरीच्या प्रकरणात लालू यादव यांच्या अडचणी वाढत आहेत. लालू प्रसाद यादव यांच्यावर केंद्रीय तपास यंत्रणा घट्ट सापळा रचत आहेत. सीबीआयनंतर आता अंमलबजावणी संचालनालयाने (ईडी) लालूंच्या कुटुंबीयांच्या दिल्लीतील निवासस्थानांवर छापे टाकले आहेत.
दरम्यान , जमिनीच्या बदल्यात नोकरी दिल्याप्रकरणी ईडीने ही कारवाई केल्याचे सांगण्यात आले आहे. यापूर्वी आयआरसीटीसी प्रकरणातही ईडीची एक टीम लालूंच्या जवळच्या अबू दुजानाच्या घरी पोहोचली होती.
तत्पूर्वी , मंगळवारी सीबीआयच्या पथकाने नोकरीसाठी जमीन प्रकरणी लालू प्रसाद यादव यांची चौकशी केली. सीबीआयच्या पथकाने लालू यादव यांची जवळपास पाच तास चौकशी केली. दुपारच्या जेवणापूर्वी दोन तासांहून अधिक काळ आणि त्यानंतर सुमारे तीन तासांपर्यंत पथकाने आरजेडी सुप्रिमोला प्रश्न विचारले. त्याचवेळी लालूंची पत्नी राबडी देवी यांची सोमवारी याच प्रकरणी त्यांच्या पाटणा येथील निवासस्थानी चौकशी करण्यात आली आहे.
