प्रतिक्षा संपली! लाखो कर्मचाऱ्यांना मिळणार जुनी पेन्शन, राज्य सरकारचा मोठा निर्णय; जाणून घ्या संपूर्ण माहिती…
पुणे : महाराष्ट्र राज्य शासकीय सेवेत कार्यरत सरकारी कर्मचाऱ्यांसाठी एक महत्त्वाची बातमी समोर येत आहे. ही बातमी आहे सरकारी कर्मचाऱ्यांचे अतिशय जिव्हाळ्याच्या अशा जुनी पेन्शन योजनेच्या संदर्भात.
अनेक वर्षांपासून ज्याची मागणी होत होती, त्या जुनी पेन्शन योज संदर्भात राज्य शासनाने मोठा निर्णय घेतला असून, त्याचा अधिकृत शासन निर्णय आता जारी करण्यात आला आहे. त्यामुळे संबंधित कर्मचाऱ्यांची प्रतिक्षा अखेर संपली आहे.
राज्य शासनाच्या उच्च व तंत्र शिक्षण विभागाकडून २२ डिसेंबर २०२५ रोजी हा महत्त्वाचा GR निर्गमित करण्यात आला आहे. या शासन निर्णयामुळे विभागातील काही विशिष्ट कर्मचाऱ्यांना पुन्हा एकदा जुनी पेन्शन योजना लागू होणार असून, यामुळे हजारो कर्मचाऱ्यांना आर्थिक सुरक्षिततेचा मोठा आधार मिळणार आहे.
या शासन निर्णयानुसार, १ नोव्हेंबर २००५ पूर्वी पदभरतीची जाहिरात निघालेल्या पदांवर निवड झालेल्या आणि १ नोव्हेंबर २००५ नंतर शासकीय सेवेत रुजू झालेल्या कर्मचाऱ्यांना जुनी पेन्शन योजना लागू करण्यात येणार आहे. म्हणजेच, जाहिरात जुनी असली तरी प्रत्यक्ष नियुक्ती नंतर झालेल्या कर्मचाऱ्यांसाठी हा निर्णय लागू होतो.
उच्च व तंत्र शिक्षण विभागाच्या प्रशासकीय नियंत्रणाखालील महाराष्ट्र महाविद्यालयीन शिक्षण सेवा, गट-अ (वरिष्ठ महाविद्यालयीन शाखा) तसेच महाराष्ट्र शिक्षण सेवा (प्रशिक्षण शाखा), गट-अ या संवर्गातील अधिव्याख्यात्यांना या निर्णयाचा थेट लाभ मिळणार आहे. या कर्मचाऱ्यांनी शासनाकडे आवश्यक अर्ज व पर्याय सादर केले असून, त्यावर आता सकारात्मक निर्णय घेण्यात आला आहे.
