कोरेगाव मूळच्या उपसरपंचपदी वैशाली सावंत यांची बिनविरोध निवड..!
उरुळी कांचन : कोरेगाव मूळ (ता. हवेली) येथील ग्रामपंचायतीच्या उपसरपंचपदी वैशाली अमित सावंत – इनामदार यांची बुधवारी (ता. १९) बिनविरोध निवड करण्यात आली. सचिन गुलाबराव निकाळजे यांनी आपल्या पदाचा राजीनामा दिल्याने सरपंच विठ्ठल राजाराम शितोळे यांच्या अध्यक्षतेखाली उपसरपंचपदाची निवडणूक घेण्यात आली.
या निवडणुकीत वैशाली सावंत यांचा एकमेव अर्ज आल्याने निवडणूक निर्णय अधिकारी विठ्ठल शितोळे यांनी वैशाली सावंत यांची निवड बिनविरोध झाल्याची घोषणा केली. ग्रामविकास आधिकारी राजेंद्र जगताप यांनी निवडणूकीचे कामकाज पाहिले.
वैशाली सावंत यांची बिनविरोध निवड होताच कार्यकर्त्यांकडून फटाके व गुलालाची उधळून करीत जल्लोष करण्यात आला. यावेळी ग्रामपंचायतीचे उपस्थित सर्व सदस्य, पदाधिकारी व ग्रामस्थ उपस्थित होते.
नवनिर्वाचित उपसरपंच वैशाली सावंत यांनी गावच्य सर्वांगीण विकासासाठी सरपंच, ग्रामपंचायत असे सर्वजण एकत्रित प्रयत्न करणार असल्याचे सांगताना या कामांसाठी नागरिकांनी देखील सहकार्य करावे, असे आवाहन त्यांनी यावेळी केले आहे.
