खेवलकर प्रकरण ; एकनाथ खडसें जावयाच्या आरोपांवर स्पष्टच बोलले, एखाद्या मुलीने तरी तक्रार येऊन द्यायला…..
पुणे : पुण्यातील खराडी भागातील रेव्ह पार्टी प्रकरणी ज्येष्ठ नेते एकनाथ खडसे यांचे जावई प्रांजल खेवलकरला अटक केली आहे. याप्रकरणी खेवलकर यांच्यावर सतत आरोप होत असताना आता एकनाथ खडसे यांनी मोठे आरोप करत काही प्रश्नचिन्ह उपस्थित केले आहेत.रूपालीताई चाकणकर सतत आरोप करत आहेत, पण त्याला काहीतरी आधार पाहिजे ना…? जर मुलींवर जबरदस्ती लैगिंक अत्याचार, छळ झाला किंवा बलात्कार झाला, फोटो काढले तर एखाद्या मुलीने तरी पुढे येऊन तक्रार करायला पाहिजे ना…संमतीने झालं असेल तर तुम्ही त्यामध्ये काय सांगू शकता? कोणी एकही मुलगी पुढे आली नसल्याचे एकनाथ खडसे यांनी म्हटले आहे.
गेल्या काही दिवसापासून रेव्ह पार्टी प्रकरणावरून एकनाथ खडसे यांचे जावई प्रांजल खेवलकरवर गंभीर आरोप केले जात आहेत. खेवलकरच्या मोबाईलमध्ये काय काय मिळाले, याचा पाढाच थेट राज्य महिला आयोगाच्या अध्यक्षा रूपाली चाकणकर यांनी वाचून दाखवला आहे. अनेक अश्लील फोटो आणि व्हिडीओ खेवलकरच्या मोबाईलमध्ये आढळल्याचा दावा त्यांनी केला. त्यानंतर एकनाथ खडसे यांनी प्रश्नचिन्ह उपस्थित करत बदनामी करण्यासाठी हे फक्त षडयंत्र असल्याच म्हटले आहे.
खेवलकर यांच्याबाबत रूपाची चाकणकर यांनी केलेल्या धक्कादायक खुलासांनंतर रोहिणी खडसे या काय बोलणार याकडे सर्वांच्या नजरा होत्या. मात्र, या गोष्टींवर भाष्य करणे रोहिणी खडसेंनी टाळल्याचे दिसून येत आहे.
