Jalgaon : जळगावमध्ये मोठी दुर्घटना!! गाडीत गॅस भरताना मोठा स्फोट, १० जण जागीच….
Jalgaon : जळगाव जिल्हयातून एक घटना समोर आली आहे. ओमनी या चारचाकी गाडीत अवैधरित्या गॅस भरताना भीषण स्फोट झाल्याची घटना घडली आहे. इच्छादेवी पोलिस चौकीजवळ ही संपूर्ण घटना घडली आहे.
तसेच या घटनेत १० जण भाजले असून यापैकी पाच जणांची प्रकृती गंभीर आहे, तर तिघांवर खाजगी रूग्णालयात उपचार सूरू आहेत. या घटनेने नागरीकांमध्ये भीतीचे वातावरण पसरले आहे. Jalgaon
नेमकं घडलं काय?
पुणे येथे राहणारे संजय गणेश वासवाला (वय ४५) हे पत्नी प्रतिभा व मुलगी रश्मी यांच्यासह जळगावातील साडू भरत दालवाला यांच्याकडे मंगळवारी सकाळी आले होते. संजय वासवाला यांचे भरत दालवाला यांच्या कुटुंबासह अमळनेर येथील मंगळग्रह मंदिरात धार्मिक विधी करण्याचे नियोजन होते.
यासाठी त्यांनी संदीप शेजवळ यांची ओमनी व्हॅन भाडेतत्वावर प्रवासासाठी ठरवली होती. ठरल्यानुसार अमळनेर येथे जायला निघाल्यावर कारचालकाने दुपारी ४ वाजेच्या सुमारास ईच्छादेवी पोलिस चौकीपासून २०० मीटर अंतरावर असलेल्या अवैध गैस रिफिलिंग सेंटरवर त्याने गॅस भरण्यासाठी कार थांबवली होती. Jalgaon
तिथे टाकीमध्ये गॅस भरताना टाकी फूटून मोठा स्फोट झाल्याची घटना घडली होती. या स्फोटामुळे ओमनीने देखील पेट घेतला होता. आणि नजीकच्या दुकानांना देखील आग लागली होती. या स्फोटात तीन महिलांसह दहा जण भाजल्याची घटना घडली होती. यामध्ये व्हॅनचालकासह गॅस भरणारा आणि शेजारचा व्यावसायिक है देखील जखमी झाला होता.
दरम्यान, या घटनेनंतर तत्काळ अग्निशमन दलाच्या पथकाने दोन बंब वापरून आग आटोक्यात आणली होती. या भीषण स्फोटात १० जण भाजले असून पाच जणांची प्रकृती गंभीर आहे, त्यापैकी तिघांवर खासगी रुग्णालयात उपचार सुरू आहेत.
