Indapur : इंदापूरचे तहसीलदार श्रीकांत पाटील यांच्यावर जीवघेणा हल्ला, लोखंडी रॉडने हल्ला करत मिरचीची पूडही टाकली, घटनेने खळबळ…
Indapur : इंदापूरचे तहसीलदार श्रीकांत पाटील यांची शासकीय गाडी फोडत त्यांच्यावर जीवघेणा हल्ला करण्यात आल्याची माहिती समोर आली आहे. शहरातील प्रशासकीय इमारतीकडे जाणाऱ्या मार्गावरील संविधान चौक येथे हा प्रकार घडला आहे.
तीन ते चार अज्ञात हल्लेखोरांनी चटणीची पूड टाकून, लोखंडी रॉड, गज याने श्रीकांत पाटील यांच्यावर हल्ला केला. सुदैवाने तहसीलदार श्रीकांत पाटील व त्यांचे चालक बचावले असून शासकीय वाहनाचे मात्र मोठे नुकसान झाले आहे. या या घटनेमुळे शहरात एकच खळबळ उडाली आहे.
नेमकं घडलं काय?
इंदापूरचे तहसीलदार श्रीकांत पाटील हे शहरातील जुन्या पुणे सोलापूर मार्गावरून सकाळी ११ वाजण्याच्या दरम्यान शासकीय वाहनातून (क्र. MH 42 AX 1661) आपल्या कार्यालयाकडे जात होते. Indapur
तेव्हा संविधान चौक येथे विना नंबर असलेल्या चार चाकी गाडीतून आलेल्या अज्ञात हल्लेखोरांनी वाहन चालक असलेल्या मल्हारी मखरे यांचे अंगावर चटणीची पुड टाकून लोखंडी रॉडने वाहनावर जोरदार हल्ला केला.
दरम्यान, यावेळी गाडीमध्ये असलेले श्रीकांत पाटील व त्यांचे चालक सुदैवाने बचावले आहेत. अज्ञात लोकांनी अगदी तहसील कार्यालयापासून हाकेच्या अंतरावर हल्ला केला आहे. या घटनेनंतर श्रीकांत पाटील व चालक मल्हारी मखरे यांना इंदापूर उपजिल्हा रुग्णालयात दाखल करण्यात आले आहे.
