नवरा वेळ देत नाही, वैतागलेल्या बायकोने थेट आयटी कंपनीला बॉम्ब…
पुणे : पुण्यात एक धक्कादायक घटना घडली आहे. पती वेळ देत नाही म्हणून चंदननगर परिसरात राहणाऱ्या ३२ वर्षीय महिलेने एका आयटी कंपनीला बॉम्ब ठेवल्याची धमकी दिली. त्यामुळे एकच खळबळ उडाली आहे. याप्रकरणी चंदननगर पोलिसांनी महिलेला अटक केली आहे.
मिळालेल्या माहिती नुसार, आरोपी महिला कोंढवा येथील एका खासगी कोचिंग संस्थेत इंग्रजी शिक्षिका म्हणून काम करते. तिचे पती आयटी इंडस्ट्रीत कर्मचारी आहेत. मात्र, पतीने धमकीच्या ईमेलमध्ये नमूद केलेल्या कंपनीतील नोकरी नुकतीच सोडली आहे.
पती एका आयटी कंपनीत नोकरीला आहे. पण तो कामात व्यस्त असतो. वेळ देत नाही म्हणून पत्नी वैतागली होती. यामुळे तिने नामी शक्कल लढवली. महिलेने पतीच्या इमेलवरुन कंपनीला बॉम्ब ठेवल्याची धमकी दिली.
आयटी कंपनीत बॉम्ब असल्याचा खोटा दावा करणाऱ्या या ईमेलमुळे पोलिसांनी पतीला चौकशीसाठी ताब्यात घेतले. पोलिसांनी ईमेलमध्ये पतीचा फोन नंबर सापडला होता.
तसेच पोलिसांनी ईमेलचा आयपी अड्रेस शोधून काढला. धमकीचा मेला पतीच्या टॅबलेटवरून आला होता. चौकशीदरम्यान आरोपी महिलेने ईमेल पाठवल्याचे मान्य केले. पतीला धडा शिकवण्यासाठी बॉम्बची धमकी दिल्याचे महिलेने कबूल केले.
दरम्यान महिलेविरुद्ध कलम ५०६ (२) आणि आयटी कायद्याच्या संबंधित कलमांनुसार चंदननगर पोलीस ठाण्यात गुन्हा दाखल करण्यात आला असून तिला अटक करण्यात आली आहे.
