Hasan Mushrif : आगामी शैक्षणिक वर्षापासून राज्यात 10 नवीन शासकीय वैद्यकीय महाविद्यालय उभारणार, वैद्यकीय शिक्षण मंत्र्यांची मोठी घोषणा…
Hasan Mushrif : वैद्यकीय शिक्षण मंत्री हसन मुश्रीफ मोठी घोषणा केली आहे. राज्यात या शैक्षणिक वर्षापासून १० नवीन शासकीय वैद्यकीय महाविद्यालय सुरु करण्याचे शासनाचे प्रयत्न असल्याची घोषणा त्यांनी केली आहे.
मुंबई येथील शासकीय वैद्यकीय महाविद्यालयास राष्ट्रीय वैद्यक परिषदेने ५० एम.बी.बी.एस. विद्यार्थी क्षमतेने परवानगी दिलेली आहे. तर उर्वरीत ९ शासकीय वैद्यकीय महाविद्यालयांचे अर्ज राष्ट्रीय वैद्यक परिषदेमार्फत दर्शविण्यात आलेल्या त्रुटी पुर्ण करण्यात येणार असल्याचे वैद्यकीय शिक्षण मंत्री यांनी सांगितले आहे.
शैक्षणिक वर्ष २०२४-२०२५ करिता जिल्हा गडचिरोली, जालना, वाशिम, हिंगोली, बुलढाणा, अमरावती, नाशिक, भंडारा, अंबरनाथ (जिल्हा ठाणे) आणि मुंबई (१० संस्था) येथे १०० एम.बी.बी.एस. विद्यार्थी क्षमतेचे शासकीय वैद्यकीय महाविद्यालय सुरु करण्याकरिता राष्ट्रीय वैद्यक परिषद, नवी दिल्ली यांना अर्ज सादर करण्यात आले असल्याची माहिती ही मंत्री हसन मुश्रीफ यांनी सांगितले आहे.
या बाबत अधिक माहिती देताना मंत्री हसन मुश्रीफ यांनी सांगितले की, त्रुटींची पूर्तता करण्याची कार्यवाही शासन आणि संचालनालय स्तरावर प्रयत्न सुरु आहे. Hasan Mushrif
अध्यापकांची पदे भरण्याची कार्यवाही महाराष्ट्र लोकसेवा आयोगाकडे सुरु असून वैद्यकीय महाविद्यालयाची इमारत आणि संलग्नीत रुग्णालय या संदर्भातील कार्यवाही पूर्ण झालेली आहे. तसेच काही अध्यापकांची पदे कंत्राटी, मानधनावर भरण्यात येणार असल्याचे मुश्रीफ यांनी सांगितले.
त्रुटी दर्शविलेल्या प्रस्तावित ९ शासकीय वैद्यकीय महाविद्यालयांकरिता राष्ट्रीय वैद्यक परिषद, नवी दिल्ली यांचेकडे शासनामार्फत अपील दाखल करण्यात येणार आहे. या अपिलच्या सुनावणीस शासनाकडून त्रुटी पूर्तते संदर्भातील हमीपत्र सादर करुन या महाविद्यालयांना परवानगी प्राप्त करण्याच्या अनुषंगाने योग्य ते प्रयत्न करण्यात येत आहेत.
