Hadapsar News : शेजाऱ्याचा कुत्रा भुंकतो म्हणून रागाच्या भरात कुत्र्यावर गोळीबार, हडपसर येथील धक्कादायक घटना.

Hadapsar News : शेजाऱ्या कुत्रा सारखा भुंकतो आणि त्रास देतो अस म्हणत पुण्यातील हडपसर भागात एकाने रागाच्या भरात कुत्र्यावर स्पोर्ट्स गनमधून गोळीबार केला. हडपसर पोलीस स्टेशन हद्दीमधील “इन्केव्ह लोकमंगल सोसायटी” झेड कॉर्नर,मांजरी बुद्रुक येथे ही घटना घडली आहे.

कुत्राच्या मालकाने त्यानंतर पोलिसांकडे तक्रार केल्यानंतर गोळीबार करणाऱ्यावर गुन्हा दाखल करण्यात आला आहे.

रियाज थावेर असे गुन्हा दाखल करण्यात आलेल्या व्यक्तीचे नाव आहे. या प्रकरणी प्रीती विकास अग्रवाल (वय ४६ किरण इनक्लेव्ह, लोकमंगल सोसायटी, मांजरी बुद्रुक) यांनी तक्रार दिली आहे. Hadapsar News

मिळालेल्या माहिती नुसार, अग्रवाल यांनी एक कुत्रा पाळलेला होता. तिचे नावबाऊंसी असे आहे. २१ नोव्हेंबरच्या रात्री अकरा वाजण्याच्या सुमारास त्यांचे कुत्रा सोसायटी समोरील रस्त्यावर बसला होता.

यावेळी आरोपी त्याच्याकडे असलेल्या स्पोर्ट्स गनने गोळीबार केला. त्यामुळे या श्वानाला गंभीर इजा झाली. यात कुत्रा गंभीर जखमी झाला असून तो विकलांगदेखील झाला आहे.