कर्मचाऱ्यांसाठी खुशखबर! येत्या 15 जानेवारीला ‘पगारी सुट्टी’ मिळणार; कुणाला लागू होणार रजा? मतदानाचा टक्का वाढणार?
पुणे : राज्यातील 29 महानगरपालिकांच्या सार्वत्रिक निवडणुका येत्या 15 जानेवारी रोजी होणार आहेत. या पार्श्वभूमीवरच आता राज्यातील सर्व सरकारी, निमसरकारी, बँक कर्मचारी आणि प्रायव्हेट ऑफिसेसमधील सर्व कर्मचाऱ्यांसाठी महत्वाची माहिती समोर आली आहे.15 जानेवारी रोजी सर्व कर्मचार्यांना मतदानाच्या दिवशी सरकारकडून भरपगारी सुट्टी जाहीर करण्यात आली आहे.
बृहन्मुंबई महानगरपालिका, ठाणे महानगरपालिका, कल्याण- डोंबिवली महानगरपालिका, नवी मुंबई महानगरपालिका, पुणे महानगरपालिका, नाशिक महानगरपालिका, पिंपरी चिंचवड महानगरपालिका यांसह 29 महानगर पालिकेंतील कर्मचाऱ्यांना म्हणजेच मतदारांना भर पगारी सुट्टीची सवलत मिळणार आहे. आणि ज्या कार्यालयांना सुट्टी देणं शक्य नाही, अशा कार्यालयांतील कर्मचार्यांना 2 ते 3 तासांची सवलत देणं बंधनकारक असणार आहे
अवघ्या काही दिवसांवरच राज्यामध्ये अनेक महानगरपालिकांमध्ये निवडणूका आहेत. या निवडणूकीच्या पार्श्वभूमीवर राज्यातील सर्वच कर्मचार्यांना 15 जानेवारीला भर पगारी सुट्टी देण्यात येणार आहे.हीं भर पगारी सुट्टी असून प्रत्येक नोकरदार वर्गाला त्या दिवसाचा पगार मिळणार आहे. मात्र या सुट्टीचा फायदा मतदानासाठी होणार आहे.यंदा महानगर पालिकेच्या निवडणूकीला मतदानाची टक्केवारी वाढण्याची शक्यता वर्तवण्यात येत आहे.
लोकप्रतिनिधीत्व कायदा 1951 च्या कलम 135 (ब) नुसार, मतदानाच्या दिवशी सर्वच कर्मचाऱ्यांना आपला मतदानाचा हक्क बजावता येता यावा यासाठी त्या दिवशी भर पगारी सुट्टी किंवा कामाच्या तासात योग्य ती सवलत देण्यात येते.
जर एखादी खासगी कंपनी आपल्या कर्मचाऱ्याला मतदानासाठी सुट्टी किंवा वेळेमध्ये सवलत देण्यास नकार देत असेल, तर अशा कंपनीविरोधात कडक कायदेशीर कारवाई करण्याचे आदेश प्रशासनाने दिले आहेत.
