लाडक्या बहिणींसाठी आनंदाची बातमी! ‘या’ तारखेला खात्यावर १५०० रुपये जमा होणार, उपसभापतींची माहिती..

मुंबई : मुख्यमंत्री माझी लाडकी बहीण योजनेची सगळीकडे चर्चा आहे. ही योजना जुलै २०२४ पासून चालू करण्यात आली आहे. या योजनेच्या माध्यमातून पात्र महिलांना प्रत्येक महिन्याला १५०० रुपयांची आर्थिक मदत केली जाते.

‘मुख्यमंत्री माझी लाडकी बहीण’ या महत्वाकांक्षी योजनेअंतर्गत जुलै २०२५ महिन्याचा ₹1500 चा हप्ता ९ ऑगस्टपूर्वी लाभार्थी महिलांच्या बँक खात्यात जमा केला जाणार आहे. ही माहिती विधानपरिषद उपसभापती डॉ. नीलम गोऱ्हे यांनी दिली आहे.

रक्षाबंधनाचा सण यंदा ९ ऑगस्ट रोजी साजरा होणार आहे. या पार्श्वभूमीवर राज्य सरकारने महिलांना एक आर्थिक गिफ्ट देण्याचा निर्णय घेतला असून, जुलैचा हप्ता त्याआधीच त्यांच्या खात्यात जमा होणार आहे. यामुळे अद्याप हप्ता न मिळाल्याने नाराज असलेल्या महिलांना दिलासा मिळणार आहे.

दरम्यान, या योजनेसाठी सरकारने ₹746 कोटींचा निधी मंजूर केला असून, रक्कम थेट लाभार्थ्यांच्या खात्यात वर्ग करण्यासाठी BIMS प्रणालीचा वापर करण्यात येत आहे. यामुळे रकमेच्या वितरणात पारदर्शकता आणि वेग वाढवण्यात मदत झाली आहे.