शेती करण्यासाठी पैसे नाहीत? मग ‘या’ योजनेच्या माध्यमातून मिळवा कमी व्याजदरात कर्ज, जाणून घ्या आवश्यक कागदपत्रे…

नवी दिल्ली : सरकारकडून शेतकऱ्यांना मदत करण्यासाठी अनेक योजना सुरु करण्यात आले आहे. त्यापैकी एक किसान क्रेडिट कार्ड योजना आहे. या कार्डद्वारे शेतकरी बांधवांना अत्यंत कमी व्याजदरात कर्ज मिळते.

या कार्डसाठी अर्ज करणाऱ्या शेतकऱ्यांचे वय किती असावे? तसेच, कोणती कागदपत्रे आवश्यक आहेत. हेच सविस्तरपणे जाणून घेणार आहोत. किसान क्रेडिट कार्डद्वारे 3 लाख रुपयांपर्यंतचे कर्ज परवडणाऱ्या व्याजदरात सहज उपलब्ध आहे. या कर्जावरील व्याजदर ७ टक्क्यांपासून सुरू होतो.

त्याचबरोबर कर्जाची वेळेवर परतफेड करणाऱ्या शेतकऱ्यांना व्याजदरात 3 टक्क्यांपर्यंत सूट दिली जाते. अशाप्रकारे, किसान क्रेडिट कार्डवरून घेतलेल्या कर्जावर केवळ 4 टक्के व्याजदर भरावा लागेल.

असा करा अर्ज..

किसान क्रेडिट कार्डसाठी अर्ज करण्यासाठी सर्व आवश्यक कागदपत्रे घेऊन जा आणि तुमच्या जवळच्या बँकेच्या शाखेला भेट द्या.

काय आहेपात्रता काय?

किसान क्रेडिट कार्डचा लाभ घेण्यासाठी शेतकऱ्याचे वय १८ ते ७५ वर्षे दरम्यान असावे. शेतकऱ्याकडे किमान 2 एकर शेतजमीन असावी. याशिवाय शेतकरी बांधवांचे बँक खाते असणेही आवश्यक आहे. किसान क्रेडिट कार्डसाठी अर्ज करण्यासाठी शेतकऱ्याने संबंधित बँकेच्या शाखेत जाणे आवश्यक आहे.

किसान क्रेडिट कार्डच्या माध्यमातून शेतकऱ्यांना शेतीच्या कामासाठी आवश्यक निधी मिळू शकतो. शेतकरी हे कर्ज खते, बियाणे, कृषी यंत्रे, पशुसंवर्धन, मत्स्यपालन इत्यादींसाठी वापरू शकतात.

लागणारी महत्त्वाची कागदपत्रे?

आधार कार्ड, पॅन कार्ड, मतदार ओळखपत्र, शिधापत्रिका, शेतजमिनीशी संबंधित कागदपत्रे, बँक खाते माहिती.