गौतम अदानी आता टॉप 20 मध्येही नाहीत…!
मुंबई :गौतम अदानी यांची एक वर्षापूर्वीची संपत्ती आज पर्यंत तितकी राहिली नाही. अब्जाधीशांच्या यादीतील टॉप-20 मधूनही ते बाहेर पडले आहेत.
गौतम अदानी यांचा त्रास संपण्याचे नाव घेत नाहीये. हिंडेनबर्गच्या अहवालानंतर गौतम अदानी यांच्या कंपन्यांचे शेअर्स सातत्याने घसरत आहेत. हिंडेनबर्ग अहवाल सार्वजनिक झाल्यापासून ज्येष्ठ उद्योगपती गौतम अदानी यांच्या निव्वळ संपत्तीला मोठा धक्का बसला आहे. जिथे काही काळापूर्वी ते जगातील श्रीमंतांच्या यादीत तिसऱ्या क्रमांकावर होते, आता ते टॉप 20 मध्येही नाही. ब्लूमबर्गच्या बिलियनेअर इंडेक्सनुसार, गौतम अदानी हे टॉप 20 श्रीमंतांच्या यादीतून बाहेर पडले असून सध्या ते 22 व्या क्रमांकावर पोहोचले आहेत.
गौतम अदानी यांचे एका दिवसात सुमारे 10 अब्ज डॉलर्सचे नुकसान झाले आहे. दुसरीकडे, फेसबुकचे संस्थापक झुकरबर्ग यांच्या संपत्तीत $12.5 अब्जची वाढ झाली असून ते जगातील सर्वात श्रीमंत व्यक्तींच्या यादीत 13व्या स्थानावर पोहोचले आहेत. अदानीची नेटवर्थ $ 58 बिलियनने घटली अदानीची संपत्ती सप्टेंबरमध्ये $ 155.7 बिलियन होती. सोमवारी निव्वळ संपत्ती $92.7 अब्ज होती.
दरम्यान डिसेंबरपर्यंत, जगातील अव्वल श्रीमंतांमध्ये अदानी हा एकमेव श्रीमंत होते ज्यांच्या संपत्तीत त्या वर्षी वाढ झाली होती. अदानी आता जगातील सर्वात श्रीमंतांमध्ये 22 व्या क्रमांकावर घसरले आहेत.
हिंडेनबर्गच्या अलीकडील अहवालात काय आहे?
25 जानेवारी रोजी हिंडेनबर्गने अदानी समूहाबाबत 32,000 शब्दांचा अहवाल प्रसिद्ध केला. अहवालाच्या निष्कर्षांमध्ये 88 प्रश्नांचा समावेश आहे. अहवालात दावा करण्यात आला आहे की समूह अनेक दशकांपासून स्टॉक मॅनिप्युलेशन आणि अकाउंट फ्रॉडमध्ये गुंतला आहे. शेअर्सच्या वाढत्या किमतींमुळे अदानी समूहाचे संस्थापक गौतम अदानी यांची संपत्ती तीन वर्षांत $1 अब्जने वाढून $120 अब्ज झाली आहे, असे अहवालात म्हटले आहे. या कालावधीत समूहातील 7 कंपन्यांचे समभाग सरासरी 819 टक्क्यांनी वाढले आहेत.
