पुणे हादरलं! बस स्टॉपवर केली मैत्री अन् शाळेच्या नावाखाली अल्पवयीन मुलीवर…
पुणे : पुणे शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
एका १४ वर्षांच्या अल्पवयीन शाळकरी मुलीवर लैंगिक अत्याचार झाल्याचे उघडकीस आले आहे. याप्रकरणी तातडीने कारवाई करत पोलिसांनी आरोपीला अटक केली आहे. श्रांतवाडी परिसरातून हादरवून सोडणारी धक्कादायक घटना समोर आली आहे.
पोलिसांनी दिलेल्या माहितीनुसार, आरोपी मुनाकिब नासिर अन्सारी आणि पीडित अल्पवयीन मुलगी हे दोघे एकमेकांच्या ओळखीचे होते. आरोपी हा महाविद्यालयीन विद्यार्थी असून, त्यांची ओळख एका बस स्टॉपवर झाली होती. हा संपूर्ण प्रकार ४ डिसेंबर२०२५ रोजी घडला.
तसेच ४ डिसेंबरच्या दिवशी आरोपी मुनाकिब अन्सारी याने अल्पवयीन मुलीला शाळेत सोडतो, असे सांगितले. मुलीचा विश्वास संपादन करून त्याने तिला स्वत:च्या दुचाकीवर बसवले. मात्र, शाळेत न सोडता, आरोपीने तिला जबरदस्तीने एका खोलीत नेले आणि तिथे तिच्यावर लैंगिक अत्याचार केले.
हा प्रकार उघडकीस आल्यानंतर अल्पवयीन मुलीच्या कुटुंबियांनी या नराधमाविरोधात विश्रांतवाडी पोलिस ठाण्यात तक्रार दाखल केली. या तक्रारीच्या आधारावर पोलिसांनी तातडीने गुन्हा दाखल करून तपास सुरू केला.
