Daund : दौंड हादरले! जन्मदात्याच्या डोक्यात सिमेंटचा ब्लॉक मारून केला खून, घटनेने उडाली खळबळ..
Daund : पुणे जिल्ह्यात गुन्हेगारी वाढते आहे असं म्हटलं तरी हरकत नाही. अंगावर काटा आणणारे प्रकार सध्या पुण्यात वेगात वाढले आहेत. अशातच आता दौंड तालुक्यातून एक धक्कादायक घटना उघडकीस आली आहे.
मुलाने किरकोळ वादावरून स्वतःच्या जन्मदात्या वडिलांच्या डोक्यात सिमेंटचा ब्लॉक टाकून खून केल्याची घटना घडली आहे. ही घटना रात्री आठ वाजण्याच्या सुमारास घडली आहे. सुनील रणदिवे असे खून करण्यात आलेल्या वडिलांचे नाव आहे.
या प्रकरणी मुलाच्या आईने दौंड पोलिस ठाण्यात फिर्याद दिली आहे. त्यावरून सचिन रणदिवे (रा. साठेनगर, दौंड ) याच्यावर खुनाचा गुन्हा दाखल करण्यात आला असून अटक केल्याची माहिती पोलिस निरीक्षक गोपाळ पवार यांनी दिली आहे.
मिळालेल्या माहिती नुसार, सुनील रणदिवे आणि जयश्री रणदिवे हे दोघेजण पती पत्नी आहेत. त्यांचा मुलगा सचिन सोबत त्यांचा वाद सुरु होता. त्यावेळी सचिनला दोघांनी वाद घालू नको, असे समजावून सांगितले. परंतु, त्याने त्यांच्याशी वाद घालणे काही थांबवले नाही. त्यावेळी त्यांनी घराला कुलूप लावून त्यांच्या मुलाला घराबाहेर काढले. Daund
दरम्यान, रात्री आठ वाजण्याच्या सुमारास सुनील रणदिवे त्यांच्या घरासमोर झोपले होते. यावेळी त्यांचा मुलगा सचिन याने सिमेंटचा ब्लॉक आणला अन त्यांच्या डोक्यात घातला.
डोक्याला गंभीर दुखापत झाल्याने औषध उपचारासाठी उपजिल्हा ग्रामीण रुग्णालयात दाखल करण्यात आले. त्यानंतर पुढील उपचारासाठी त्यांना पुण्यातील ससून रुग्णालयात पाठविण्यात आले होते. मात्र, त्याच्या वडिलांचा उपचारादरम्यान निधन झाले.
