Crime News : नवऱ्याने केली बायकोची हत्या, मृतदेह ड्रममध्ये भरून जंगलात फेकला, घटनेने उडाली खळबळ….
Crime News : राज्यात दिवसागणिक गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या राज्यात वेगात वाढले आहेत.
सध्या अशीच एक घटना समोर आली आहे. एका ३५ वर्षीय व्यक्तीने पैशाच्या वादातून पत्नीची हत्या करून तिचा मृतदेह ठाणे जिल्ह्यातील जंगलात ड्रममध्ये फेकून दिल्याने खळबळ उडाली आहे. ही घटना (ता.३) रोजी घडली आहे. याप्रकरणी सोमवारी आरोपी पतीला अटक करण्यात आली आहे. Crime News
मैनुद्दीन अन्सारी असे अटक करण्यात आलेल्या आरोपीचे नाव आहे. अलीमुन अन्सारी असे मृत महिलेचे नाव आहे.
मिळालेल्या माहिती नुसार, टिटवाळा परिसरात राहणाऱ्या या जोडप्याचे १२ वर्षांपूर्वी लग्न झाले होते आणि आरोपी अनेकदा पत्नीला त्रास देत असे. त्याने सांगितले की, आरोपी सासू आणि सासऱ्यांकडे पैशाची मागणी करत असे. याच वादातून पतीने पत्नीची हत्या केली आहे.
महिलेच्या कुटुंबीयांनी यापूर्वीही आरोपीला ८०,००० रुपये दिले होते. आरोपीला ऑटो-रिक्षा घेण्यासाठी २ लाख रुपयांची गरज होती, जी महिलेचे पालक देऊ शकत नाहीत.त्यामुळे पती-पत्नीमध्ये पैशांवरून आणि इतर कारणावरून वारंवार भांडणे होत होती.
दरम्यान, रविवारी (ता. ३) त्या व्यक्तीने कथितपणे आपल्या पत्नीच्या डोक्यावर लोखंडी रॉडने हल्ला केला आणि नंतर दोरीने तिचा गळा दाबून खून केला, असे अधिकाऱ्याने सांगितले.
यानंतर आरोपींनी महिलेचा मृतदेह एका मोठ्या ड्रममध्ये बंद केला आणि नंतर तो ऑटो रिक्षात नेऊन अंबरनाथजवळील जंगलात फेकून दिला. याप्रकणी आरोपीला बेड्या ठोकण्यात आले आहेत. या घटनेचा पुढील तपास पोलीस करीत आहे.
