Crime News : अनोळखी व्यक्तीला लिफ्ट देताना विचार करा, लिफ्ट देण्याच्या नादात ‘या’ व्यक्तीसोबत घडला भयंकर प्रकार…
Crime News : अनोळखी व्यक्तीला लिफ्ट देताना विचार करा, कारण एका व्यक्तीला लिफ्ट देणे चांगलेच अंगलट आले. “नेकी कर दरिया में डाल” या हिंदी म्हणीप्रमाणे हा प्रकार घडला आहे. या प्रकरणाची चांगलीच चर्चा सुरु आहे.
एका व्यक्तीला काटई-बदलापूर पाईपलाईन रोडला असलेल्या पलावा-खोणी जवळ तीन जणांनी मिळून लुटले. चालकाला जबरदस्तीने कारमधून ढकलून तिघे लुटारू कारसह फरार झाले. Crime News
याप्रकणी मुंबई येथील धारावीत राहणारे सचीन फुलचंद शाव (वय.२०) यांनी फिर्याद दिली आहे. त्यानुसार मानपाडा पोलिस ठाण्यात गुन्हा दाखल झाला आहे.
मिळालेल्या माहिती नुसार, सचीन हे त्यांच्या कारने काटई-बदलापूर रोडने दुपार जात होते. यावेळी पलावा-खोणी भागातून जात असताना सचिन याला तीन जणांनी हात दाखवून थांबविले. आम्हाला वाशी येथे जायचे आहे, असे बोलून तिघे कारमध्ये बसले.
त्यांनी आपण वाशी येथे जात नसल्याचे सांगितल्यावरही ते तिघे जबरदस्तीने बसले. कारमध्ये बसल्यानंतर त्यातील एकाने चाकूचा धाक दाखविला. जास्त आवाज केला तर तुला भारी पडेल, अशी धमकी दिली. मात्र कारचा ताबा सोडण्यास तयार नसल्याचे पाहून तिघा लुटारूंनी सचिन शाव यांना बेदम मारहाण केली. त्यातील एकाने त्यांना जबरदस्तीने कारमधून उतरवून स्वतः कारचे स्टिअरिंग ताब्यात घेतले.
दरम्यान, सचिन शाव यांच्या जवळ असलेलेी दीड हजार रूपये रोख रक्कम त्यांनी नेला. तसेच त्यांची कार असा एकूण २ लाखांहून अधिक रकमेचा ऐवज घेऊन लुटारू पसार झाले. या प्रकरणी सचिन शाव यांनी दिलेल्या फिर्यादीवरुन मानपाडा पोलिस ठाण्यात गुन्हा दाखल झाला आहे.
