Crime News : भयंकर! अश्लील व्हिडीओ पाहून बहिणीवर अत्याचार, नंतर गळा दाबून केला खून, १९ वर्षीय भावाला पोलिसांनी केली अटक..
Crime News : महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक बहीण-भावाच्या नात्याला काळीमा फासणारी घटना समोर आली आहे.
एका १९ वर्षीय नराधमाने अल्पवयीन मुलीवर अत्याचार केले आहेत. मोबाईलवर पॉर्न पाहून सख्ख्या भावाने बहिणीसोबत अतिप्रसंग केला. त्यानंतर गळा दाबून तिचा खून केला. ही घटना उत्तर प्रदेशमधील कासंगज येथे घडली आहे.
याप्रकरणी चुलत्याच्या तक्रारीनंतर पोलिसांनी गुन्हा दाखल केला आहे. आरोपीचं नाव संजू (वय.१९) असून त्याला पोलिसांनी अटक केली आहे.
मिळालेल्या माहिती नुसार, संजू मोबाईलवर पॉर्न पाहत होता. त्यावेळी त्याने १७ वर्षीय लहान बहिणीसोबत अश्लील कृत्य केले. बहिणीवर अत्याचार केल्यानंतर संजू घाबरला. त्याने १७ वर्षीय बहिणीची गळा दाबून हत्या केली. Crime News
त्यानंतर घाबरलेल्या अवस्थेत घटनास्थळावरुन पळ काढला. मृत मुलीच्या चुलता राधेश्याम याने संजू विरोधात स्थानिक पोलिसांत तक्रार दाखल केला. घटनेचं गांभीर्य पाहून पोलिसांनी संजूला तात्काळ बेड्या ठोकल्या.
दरम्यान, पोलिसांनी खाकी दाखवल्यानंतर संजूने गुन्ह्याची कबुली दिली. संजूने पोलिसांना सांगितलं की, आई नातेवाईकाकडे गेली होती. घरात बहिणीसोबत एकटाच होता. त्यावेळी पॉर्न पाहत होतो. त्यानंतर बहिणीसोबत अत्याचार केले. याबाबत कुणाला कळू नये, त्यामुळे तिचा गळा दाबून खून केला. घाबरल्यामुळे मी तेथून पळ काढला. या घटनेने एकच खळबळ उडाली आहे.
