पुण्यात कॉलेज तरुणीला प्रेमाचं आमिष ; घरी बोलवून शरीरसंबंध; पण नंतर…; तरुणाच धक्कादायक कृत्य…

पुणे: गेल्या काही दिवसांपासून पुण्यात वारंवार महिला अत्याचाराच्या घटना उघडकीस येत आहेत. अशातच आता फुरसुंगी येथे एका अल्पवयीन मुलीला प्रेमाचे आमिष दाखवून, तिच्यावर तरुणाने अत्याचार केला असल्याची धक्कादायक घटना समोर आली आहे. तिचे खाजगी फोटो व्हायरल करण्याची धमकी देत आरोपीने आर्थिक फसवणूक आणि लैंगिक अत्याचार केल्याचं उघड झालं आहे.

समोर आलेल्या माहितीनुसार, फुरसुंगीतील अल्पवयीन मुलीशी आरोपीची ओळख सोशल मीडियाच्या माध्यमातून झाली. त्यानंतर त्याने तिला प्रेमाचे आमिष दाखवले आणि लग्नाचे आश्वासन देत तिचा विश्वास संपादन केला. नंतर आरोपीने पीडितेला आपल्या घरी बोलावून तिच्यावर लैंगिक अत्याचार केला. या दरम्यान विकृत तरुणाने तिचे खाजगी फोटो व व्हिडिओ काढले होते. यानंतर आरोपीने सदर फोटो आणि व्हिडिओ व्हायरल करण्याची धमकी देत पीडितेकडून तब्बल 1 लाख 15 हजार रुपये उकळले. मात्र नंतरही आरोपीकडून तिला वारंवार पैशाची मागणी होऊ लागली. अखेर त्याला कंटाळून पीडितेने पैसे देण्यास नकार दिला. त्यामुळे नराधम आरोपीने पीडित तरुणीच्या नावाने बनावट इन्स्टाग्राम आयडी तयार करून, तसंच तिच्या भावाच्या फेसबुक अकाउंटवरून खासगी फोटो आणि व्हिडिओ शेअर केले.

दरम्यान, पीडितेच्या कुटुंबाला ही समजताच त्यांनी तत्काळ पोलीस ठाण्यात धाव घेतली. फुरसुंगी पोलिसांनी प्राथमिक चौकशीनंतर
दिनेश राठोड (वय 24) या तरुणाविरुद्ध गुन्हा दाखल केला आहे.सध्या आरोपी फरार असून, त्याच्या अटकेसाठी पोलिसांकडून पथकाची नेमणूक करण्यात आली आहे.