रील बनवणाऱ्या सरकारी अधिकाऱ्यांसाठी मुख्यमंत्री देवेंद्र फडणवीस यांची मोठी घोषणा, नेमकं काय म्हणाले?
मुंबई : सध्या सोशल मीडियाचा वापर वाढला आहे. सर्वसामान्यांप्रमाणे शासनातील उच्चपदस्थ अधिकारी आणि कर्मचारीसुद्धा सोशल मीडियाचा वापर करत आहेत. काही अधिकारी “सिंघम” स्टाईलने रिल तयार करुन सोशल मीडियावर हिरोबाजी करत आहे. या प्रश्नावर विधिमंडळात चर्चा झाली.
यामुळे त्यांचे वर्तन आणि सार्वजनिक प्रतिष्ठा प्रश्नाच्या आधारे येऊ लागली आहे. ह्या संदर्भात, भाजप आमदार परिणय फुके यांनी विधिमंडळात आवाज उठवला आणि मुख्यमंत्र्यांकडे काही नियम तयार करण्याची मागणी केली.
तसेच मुख्यमंत्री देवेंद्र फडणवीस यांनी या मुद्द्यावर प्रतिक्रीया दिली आणि सांगितले की, १९७९ साली तयार केलेले महाराष्ट्र शासनाचे सेवा शर्तीचे नियम सोशल मीडियाच्या वापरावर आधारित नाहीत. म्हणूनच, सोशल मीडियाचा वापर वाढल्यामुळे काही सरकारी कर्मचाऱ्यांनी नियमांचे उल्लंघन करणे सुरू केले आहे. विशेषतः, काही कर्मचाऱ्यांनी सोशल मीडियावर सरकार विरोधी पोस्ट केल्या आणि बिनधास्त पब्लिसिटी मिळवण्याचा प्रयत्न केला.
तसेच मुख्यमंत्र्यांनी स्पष्ट केले की, यासाठी कडक नियमांची आवश्यकता आहे. त्यांनी उदाहरण म्हणून जम्मू-काश्मीर आणि गुजरात राज्यांचे नियम दिले, जिथे सोशल मीडियावर नियंत्रण ठेवण्यासाठी कायदे केले आहेत. महाराष्ट्र सरकारही या संदर्भात सेवा शर्ती नियम १९७९मध्ये सुधारणा करण्याच्या तयारीत आहे, ज्यामुळे सरकारी कर्मचाऱ्यांना त्यांच्या सोशल मीडियावरील वर्तनावर नियंत्रण ठेवण्याची क्षमता मिळेल.
दरम्यान, मुख्यमंत्र्यांच्या या घोषणेमुळे सरकारी कर्मचाऱ्यांसाठी सोशल मीडियावर योग्य वर्तन राखण्याचे नियम लागू होणार आहेत. यामुळे, कर्मचाऱ्यांना सोशल मीडियावर सरकारविरोधी किंवा असंस्कृत वर्तन टाळण्याचे आदेश दिले जातील. या नियमांचा मुख्य उद्दिष्ट सरकारी कर्मचाऱ्यांची प्रतिमा सुधारणे आणि सार्वजनिक जीवनात सकारात्मक योगदान देणे आहे.
