ब्रेकिंग! छत्रपती संभाजीनगरमध्ये राडा केल्याप्रकरणी ४०० ते ५०० जणांवर गुन्हे दाखल…!

 छत्रपती संभाजीनगर :  रामनवमीनिमित्त आज देशभर अनेक कार्यक्रम असतात नागरिंकामध्ये प्रचंड उत्साह पहायला मिळतो.या निमित्तानं विविध कार्यक्रम देखील आयोजित करण्यात आले आहे. यामध्येच छत्रपती संभाजीनगरमध्ये मोठा वाद झाल्याची माहिती समोर आली आहे.

 

छत्रपती संभाजी नगर येथे राम मंदिरासमोर उभी असलेली वाहने काही आज्ञातांनी पेटवून दिली होती. यामुळे आजूबाजूच्या परिसरात तणावपूर्ण वातावरण निर्माण झालं आहे. ही घटना येथील किराडपुरा भागात रात्री एक दीडच्या सुमारास घडली आहे. आता याप्रकरणी एक मोठी अपडेट समोर आली आहे.

 

याप्रकरणी पोलिसांनी मोठी कारवाई असून जवळपास तब्बल ४०० ते ५०० जणांवर गुन्हा दाखल करण्यात आला असल्याची माहिती समोर आली आहे. माहितीनुसार, जिनसी पोलीस स्टेशनमध्ये हा गुन्हा दाखल करण्यात आला आहे. एका वृत्तवाहिनीने याबाबत वृत्त दिले आहे.