रस्त्यात गाडी बंद पडली, नराधमाने डाव साधला, वनरक्षकाकडून अल्पवयीन मुलीसोबत भयंकर कृत्य…
चंद्रपूर : रस्त्यात दुचाकी बंद पडलेल्या तरुणीला मदतीच्या बहाण्याने जवळीक साधत वनरक्षकाने अत्याचार केल्याची धक्कादायक घटना उघडकीस आली आहे. ही घटना चंद्रपूरमध्ये घडली आहे. याप्रकरणी गुन्हा दाखल झाल्यावर फरार झालेल्या वनरक्षकाला गोंदिया येथून अटक करण्यात आली आहे.
रंजीत दुर्योधन असं नराधम आरोपीचे नाव आहे.
मिळालेल्या माहिती नुसार, चंद्रपूर जिल्ह्यातील बल्लारपूर पोलिस ठाण्याच्या हद्दीतील एका गावात एका अल्पवयीन मुलीवर वनरक्षकाने अत्याचार केल्याची धक्कादायक घटना उघडकीस आली आहे. रंजीत दुर्योधन असे आरोपी वनरक्षकाचे नाव आहे.
पीडित मुलगी कॉलेज सुटल्यानंतर आपल्या मित्रासोबत दुचाकीवरून चंद्रपूरहून गावाकडे जात होती. रस्त्यात दुचाकी बंद पडली. दोघेही दुचाकी दुरुस्त करत असताना, चंद्रपूरहून कारवाकडे जाणारा वनरक्षक रंजीत दुर्योधन त्यांच्याजवळ थांबला.
त्याने मुलीच्या मित्राला खोट्या केसमध्ये अडकविण्याची धमकी देऊन पैशांची मागणी केली. यानंतर त्याने अल्पवयीन मुलीला पुढच्या गावापर्यंत सोडतो, असे सांगून सोबत घेतले आणि चंद्रपूर-जुनोना मार्गावरील जंगलात घेऊन गेला. तिथे त्याने तिच्यावर जबरदस्तीने अत्याचार केला.
दरम्यान, त्यानंतर घटनास्थळावरून पसार झाला. पीडित मुलीने पालकांसोबत बल्लारपूर पोलिस ठाण्यात जाऊन तक्रार केली. पोलीसांनी आरोपी वनरक्षकाला गोंदिया येथून अटक केली आहे. बल्लारपूर पोलीस घटनेचा अधिक तपास करत आहेत.
