Brijbhushan Singh : मोठी बातमी! ब्रिजभूषण सिंह यांच्या निवासस्थानावरून हटवले WFI कार्यालय, घडामोडींना वेग…
Brijbhushan Singh : क्रीडा मंत्रालयाने नुकताच गंभीर आक्षेप घेतल्यानंतर, शुक्रवारी (ता.२९) भारतीय कुस्ती महासंघाचे माजी अध्यक्ष आणि भाजप खासदार ब्रिजभूषण शरण सिंह यांच्या निवासस्थानावरून कार्यालय हटवण्यात आले.
पीटीआय या वृत्तसंस्थेनुसार, एका सूत्राने सांगितले की, ” WFI नवी दिल्लीतील नवीन पत्त्यावरून काम करेल.” WFI चे नवीन कार्यालय नवी दिल्लीतील हरी नगर भागात आहे. २४ डिसेंबर रोजी क्रीडा मंत्रालयाने संजय सिंग यांच्या नेतृत्वाखाली नव्याने स्थापन केलेल्या WFI पॅनेलला निलंबित केले होते. Brijbhushan Singh
संजय सिंग यांची WFI अध्यक्षपदी निवड झाल्यानंतर तीन दिवसांनी मंत्रालयाने हे पाऊल उचलले आहे. ब्रिजभूषण यांच्या निवासस्थानापासून सुरू असलेले कार्यालय हेही या कठोर कारवाईमागे एक कारण असल्याचे सांगण्यात आले.
तसेच मंत्रालयाने आपल्या पत्रात म्हटले आहे की, “फेडरेशनचे कामकाज माजी पदाधिकारी (ब्रिज भूषण) यांच्या नियंत्रणाखाली असलेल्या जागेतून चालवले जात आहे – हे देखील ते कथित परिसर आहे ज्यामध्ये खेळाडूंच्या लैंगिक छळाचे आरोप झाले आहेत.
सध्या न्यायालय या प्रकरणाची चौकशी करत आहे. मंत्रालय या प्रकरणाची सुनावणी करत आहे.यामुळे त्यांना पुन्हा एकदा मोठा धक्का बसला आहे
