ब्रेकिंग! मुंढवा जमीन गैरव्यवहार प्रकरणातील शीतल तेजवाणीच्या माहेरी पुणे पोलिसांची धाड

पुणे : गेल्या काही दिवसांपासून पुण्यातील मुंढवा येथील शासकीय जमीन गैरव्यवहार प्रकरण चांगलंच चर्चेत आल आहे. या प्रकरणातील मुख्य सूत्रधार शीतल तेजवाणीला पुणे पोलीसांनी अटक केली आहे. त्यानंतर आता पुणे पोलिसांनी मोठी कारवाई करत शितल तेजवानीना मोठा धक्का दिला आहे.आज शीतलच्या माहेरच्या घरी पुणे पोलीसांची झाडाझडती घेतली असल्याची माहिती समोर आली आहे.

पुणे पोलीसांनी दोन वेळा चौकशी केल्यानंतर शीतल तेजवाणीला 3 डिसेंबर रोजी अटक करण्यात आली होती. त्यानंतर आज पोलीसांनी शीतल तेजवाणीच्या पिंपरीतील माहेरच्या घरी झाडाझडती घेतली असल्याची माहिती समोर आली आहे. सध्या पोलीस कोठडीत असलेल्या शीतलकडून महत्वाची हस्तगत करण्यासाठी ही झाडाझडती घेतली असल्याची माहिती समोर आली आहे. ही कागदपत्रे मिळाल्यास या जमीन व्यवहाराबाबत मोठा खुलासा होण्याची शक्यता आहे.

पोलीसांना मूळ कुलमुखत्यार पत्र, मूळ दस्त, तसेच 300 कोटींपैकी काही रक्कम हस्तगत करायची आहे. त्यामुळे पुणे पोलीस शीतलच्या पिंपरीच्या घरी आले असल्याची माहिती समोर आली आहे. शीतल आणि तिचा पती सागर सूर्यवंशी सध्या पुण्यात वास्तव्यास आहेत. मात्र तिचे माहेर हे पिंपरीतील वैष्णो देवी मंदिराजवळ आहे. शीतलने याचं माहेरच्या घरात काही पुरावे लपवून ठेवल्याची शंका शंका पुणे पोलीसांना आहे, त्यामुळे ही चौकशी करण्यात येत आहे.

पुण्यातील 40 एकर शासकीय महार वतन जमिनीचे बनावट कागदपत्रे तयार करून ती परस्पर हस्तांतरित केल्याचा आणि मुद्रांक शुल्कात शासनाची फसवणूक आरोप शीतलवर आहे. हीच जमीन उपमुख्यमंत्री अजित पवार यांचे सुपुत्र पार्थ पवार यांच्या अमेडिया कंपनीला विकण्यात आली होती. मात्र या प्रकरणात पार्थ पवार यांच्यावर कोणतीही कारवाई करण्यात आलेली आहे.