Breaking News : सोलापूरमध्ये मोठा राडा! खासदार संजय राऊत यांच्या कारवर चप्पलफेक, नेमकं काय घडलं…?

Breaking News : शिवसेना उध्दव ठाकरे गटाचे खासदार खासदार संजय राऊत यांच्या वाहनावर सोलापुरात चप्पलफेक करण्यात आल्याची घटना उघडकीस आली आहे. ही घटना रविवारी संध्याकाळी घडल्याचे सांगितले जात आहे. या घटनेने राज्याचा राजकारणात एकच खळबळ उडाली आहे.

ठाकरे गटाचे खासदार संजय राऊत हे रविवारी सोलापूरच्या दौऱ्यावर होते यावेळी त्यांच्यासोबत हा प्रकार घडला आहे. अज्ञातांनी त्यांच्या कारवरवर चप्पलांनी भरलेली पिशवी फेकल्याची माहिती समोर आली आहे. Breaking News

सोलापूर दौऱ्यावर असताना संजय राऊत यांनी कार्यकर्त्यांसोबत हुरडा पार्टी केली. त्यानंतर त्यांनी एका सभेत उपस्थित कार्यकर्त्यांना संबोधित करताना सत्ताधाऱ्यांवर निशाणा साधला. त्यानंतर सोलापुरातून जात असताना त्यांच्या कारवर चप्पलफेक करण्यात आली आहे.

सोलापूर मधील बाळे या ठिकाणी एका हॉटेलच्या उद्घाटन सोहळ्यानंतर संजय राऊत परतत असताना चप्पल फेक झाल्याचा धक्कादायक प्रकार समोर आला आहे.

चप्पल फेक झाल्यानंतर नारायण राणे जिंदाबाद अशा घोषणा देत कार्यकर्ते पसार झाले आहेत. खासदार संजय राऊत हे गाडीत बसून जात असताना हा सर्व प्रकार घडला आहे.