ब्रेकिंग! माणिकराव कोकाटेंच्या आमदारकीवर टांगती तलवार; उच्च न्यायालयाच्या निकालानंतर थेट सर्वोच्च न्यायालयात धाव
मुंबई :अजित पवारांच्या राष्ट्रवादी काँग्रेसचे माजी मंत्री माणिकराव कोकाटे यांना बनावट कागदपत्रांच्या आधारे शासकीय सदनिकेचा लाभ घेण्याच्या प्रकरणात कोकाटे यांना दोन वर्षांच्या तुरुंगवासाची शिक्षा ठोठावण्यात आली होती.दरम्यान मुंबई उच्च न्यायालयाने शुक्रवारी त्यांची दोषसिद्धी स्थगित करण्यास ठाम नकार दिला. मात्र, न्यायालयाने त्यांच्या दोन वर्षांच्या कारावासाच्या शिक्षेला स्थगिती देत त्यांना तात्पुरता दिलासा दिला. तसेच या याचिकेवरील सुनावणी पूर्ण होईपर्यंत एक लाखाच्या जातमुचलक्यावर जामीन मंजूर करण्यात आला आहे.दरम्यान, उच्च न्यायालयाच्या निकालानंतर याचिकाकर्ते यांनी सर्वोच्च न्यायालयात धाव घेतली आहे.
समोर आलेल्या माहितीनुसार, मुंबई उच्च न्यायालयाच्या आदेशाची प्रत हाती येताच कोकाटे सर्वोच्च न्यायालयात जाणार असल्याची माहिती समोर आली आहे. कोकाटे यांचे प्रकरण उच्च न्यायालयात न्यायप्रविष्ट असताना सत्र न्यायालयाच्या निकालाला स्थगित देण्याची मागणी करण्यात आली. कोकाटेंच्या दोषसिद्धीला स्थगिती देण्यास उच्च न्यायालयाने नकार दिला आहे. दोन वर्षांच्या शिक्षेवर स्थगित नसल्याने कोकाटेंच्या आमदारकीवर टांगती तलवार आहे. त्यामुळेच आता उच्च न्यायालयाच्या आदेशाची प्रत हाती येताच माणिकराव कोकाटे हे सर्वोच्च न्यायालयात जाणार असल्याची माहिती आहे.
दरम्यान लोकप्रतिनिधित्व कायद्याच्या कलम ८ (३)अन्वये न्यायालयाकडून कोणत्याही गुन्ह्यासाठी दोन वर्षे किंवा त्याहून अधिक शिक्षा ठोठावण्यात आल्यास आमदारकी रद्द होते. उच्च न्यायालयाने कोकाटे यांच्या दोन वर्षांच्या शिक्षेला स्थगिती देण्यास स्पष्ट नकार दिल्याने त्यांची आमदारकी रद्द होण्याची दाट शक्यता आहे.
या लोकप्रतिनिधी कायद्यानुसार अशा प्रकरणांमध्ये विधानसभा अध्यक्षांकडून अपात्रतेची घोषणा केली जाते. परंतु, कोकाटे हे उच्च न्यायालयाच्या या आदेशाविरोधात सर्वोच्च न्यायालयात दाद मागणार आहेत. यामुळे त्यांची आमदारकी राहणार की जाणार हे पाहणे आता महत्त्वाचे ठरणार आहे.
