पुण्यात रात्री रक्तरंजित थरार! पार्कात बोलावून मित्रानेच केला घात, तोंडावर अन् डोक्यावर २५ वार

पुणे : पुण्यातील चंदननगर येथील ऑक्सिजन पार्कात एका 18 वर्षीय तरुणावर मित्रांनीच चाकूने सपासप वार करून त्याची हत्या केली असल्याची धक्कादायक माहिती समोर आली आहे यावेळी संबंधित तरुणाच्या मित्रावर देखील वार करण्यात आले. या घटनेने

समोर आलेल्या माहितीनुसार, चंदननगर येथील राजमाता जिजाऊ ऑक्सिजन पार्क येथील गार्डनमध्ये शनिवारी रात्रीच्या वेळी काही तरुण जमले होते. याच दरम्यान, अज्ञात आरोपींनी १८ वर्षीय सोनू ऊर्फ लखन सकट वाघमारे (रा. आंबेडकर वसाहत, चंदननगर) या तरुणाला पार्कात बोलवले. यावेळी त्या तरुणावर धारदार चाकूने 20 ते 25 सपासप वार केले. रक्ताच्या थारोळ्यात पडलेल्या लखनचा काही क्षणातच मृत्यू झाला. या हल्ल्यात अन्य एक तरुणही जखमी झाला असून, त्यांच्यावर खासगी रुग्णालयात उपचार सुरू आहेत.

प्राथमिक तपासात ही घटना जुन्या वादातून आणि परिसरातील वर्चस्वाच्या लढाईतून घडली असावी, असा पोलिसांचा अंदाज आहे. रात्री आठ वाजता झालेल्या या हत्येच्या प्रकरणाने परिसरात एकच खळबळ उडाली.

दरम्यान या घटनेची माहिती मिळताच चंदननगर पोलिसांनी तातडीने घटनास्थळी धाव घेतली आणि पंचनामा केला. मृतदेह शवविच्छेदनासाठी पाठवण्यात आला आहे. या घटनेचा पुढील तपास पोलीस करत आहेत.