बीडमधून सर्वात मोठी बातमी! मनोज जरांगे असलेल्या लिफ्टचा अपघात, धक्कादायक माहिती आली समोर…
बीड : मराठा नेते मनोज जरांगे पाटील प्रवास करत असणाऱ्या लिफ्टचा अपघात झाला आहे. मनोज जरांगे लिफ्टमध्ये असताना ती लिफ्ट जमिनीवर कोसळली. या अपघातातून मनोज जरांगे सुखरुप बचावल्याची माहिती आहे. मात्र मोठा अनर्थ टळला आहे. घटनेची माहिती मिळताच अनेकांनी याठिकाणी धाव घेतली.
नंतर मनोज जरांगे सुखरुप असल्याची माहिती मिळत आहे. जरांगे बीडमध्ये एका रुग्णालयात गेले होते. ते लिफ्टमधून जात असताना पहिल्या मजल्यावरुन लिफ्ट थेट जमिनीवर कोसळली. यामुळे मोठा गोंधळ निर्माण झाला. यावेळी लिफ्टमध्ये मनोज जरांगे यांच्यासोबत त्यांचे इतर काही सहकारी देखील होते.
सर्वजण सुखरूप असल्याचे सांगितले जात आहे. लिफ्टचा दरवाजा तोडून मनोज जरांगे पाटील यांच्यासह त्यांच्या सहकाऱ्यांना बाहेर काढण्यात आलं. मनोज जरांगे हे आजच्या घडीला मराठा समाजाचे सर्वात ताकदवान नेते आहेत. आरक्षणासाठी ते गेल्या अनेक दिवसांपासून लढत आहेत.
दरम्यान, मनोज जरांगे हे अनेकदा उपोषण करत असल्याने त्यांची तब्येत सारखी बिघडत असते. असं असताना त्यांच्यासोबत आज असा प्रसंग घडल्यामुळे त्यांच्या चाहत्यांकडून त्यांच्या प्रकृतीची चिंता व्यक्त केली जात आहे. याबाबत अनेकांनी त्यांची विचारपूस केली आहे.
एका रुग्णाला भेटण्यासाठी मनोज जरांगे पाटील आले होते. रुग्ण हा दुसऱ्या मजल्यावर होता. त्याला भेटण्यासाठी मनोज जरांगे हे दुसऱ्या मजल्यावर जात होते. पण पहिल्या मजल्यावर अचानक लिफ्ट बंद झाली आणि ती थेट खाली कोसळली.
