मोठी बातमी! वाल्मिक कराड यांच्या घरी पोलीस दाखल, पोलीस घरी पोहोचताच धक्कादायक प्रकार आला समोर….
बीड : गेल्या काही दिवसांपासून मस्साजोगचे सरपंच संतोष देशमुख यांच्या हत्या प्रकरणाच्या तपासाला वेग आला आहे. या घटनेमुळे एकच खळबळ उडाली आहे. हा तपास आता सीआयडीकडे वर्ग करण्यात आला असून सीआयडीने अनेकांची चौकशी सुरु केली आहे. यामध्ये अनेकांची नावे समोर येत आहेत.
या प्रकरणात आरोप होत असलेले वाल्मिक कराड फरार आहेत. वाल्मिक कराड यांच्यावर खंडणीचाही गुन्हा दाखल करण्यात आला होता. यामध्ये ते अद्याप फरार असल्याने त्यांच्या शोध घेण्यासाठी सीआयडीने वाल्मिक कराड यांच्या पत्नी मंजिली कराड यांची चौकशी केली आहे.
याबाबत वाल्मिक कराड हे मंत्री धनंजय मुंडे यांचे निकटवर्तीय मानले जातात. यामुळे मुंडे यांच्या राजीनाम्याची मागणी देखील होत आहे. याबाबत दोन ते अडीच तास मंजिली कराड यांची चौकशी केली आहे. त्यानंतर त्यांना सोडून देण्यात आलं आहे. यामुळे बीडचे वातावरण तापलं आहे.
गुन्हा दाखल झाल्यानंतर वाल्मिक कराड फरार होते, त्यानंतर त्यासंदर्भातील चौकशीचा भाग असल्याचे पोलिसांकडून सांगण्यात येत आहे. तसेच अजित पवारांच्या राष्ट्रवादीचे जिल्हाध्यक्ष राजेश्वर चव्हाण यांचीही चौकशी करण्यात आली आहे. यामुळे आता कोणाला अटक होणार का? याकडे सर्वांचे लक्ष लागले आहे.
याबाबत चव्हाण म्हणाले, मी राष्ट्रवादी काँग्रेस अजित पवार गटाचा जिल्हाध्यक्ष आहे, या दरम्यान धनंजय मुंडे यांच्या पीआरचं काम वाल्मीक कराड हे बघायचे. माझा त्यांचा संपर्क सुद्धा होत होता. मी त्यांना ओळखतो का हे विचारण्यासाठी मला आज पोलिसांनी बोलून घेतले होते, असं राजेश्वर चव्हाण यांनी म्हटले आहे.
