मोठी बातमी! आता तुकडे बंदी कायदा रद्द होणार, महसूल मंत्री चंद्रशेखर बावनकुळेंचा सर्वात मोठा निर्णय..
मुंबई : राज्याचे महसूल चंद्रशेखर बावनकुळे यांनी एक मोठी घोषणा केली आहे. त्यांनी तुकडेबंदी कायदा रद्द करण्याची घोषणा केली आहे. या निर्णयाने राज्यातील लाखो शेतकऱ्यांना दिलासा मिळाला आहे. या संदर्भात 15 दिवसात एसओपी केली जाणार आहे. 1 जानेवारी 2025 पर्यंत जे तुकडे झाले, तुकडी बंद कायदा असल्याने व्यवहार करता येत नाही.
याबाबत बावनकुळे म्हणाले, तुकडे बंदी कायदा रद्द केला जाईल. एक एसओपी केली जाईल. महसूल, नगरविकास, जमाबंदी आयुक्त या वरिष्ठ अधिकाऱ्यांची समिती गठित केली जाईल. ही समिती एसओपी करेल. सुमारे 50 लाख लोकांना फायदा होईल. या संदर्भातील 15 दिवसात सूचना असतील, तर कराव्यात. या घोषणेचं महाविकास आघाडीकडून स्वागत केलं आहे.
सध्या अनेक शेतकऱ्यांना विहिरीसाठी किंवा शेतरस्त्यासाठी किंवा इतर काही कारणास्तव 1, 2, 3 गुठ्यांमध्ये जमिनी खरेदी किंवा विक्री करावी लागते. त्यामुळे या शेतकऱ्यांसमोर अडचण निर्माण झाली होती. आता याच शेतकऱ्यांसाठी दिलासादायक गोष्ट आहे. महसूल अधिनियमातील तरतुदीनुसार महाराष्ट्रात तुकडेबंदी लागू आहे.
तुकडेबंदी कायद्यात नमूद केल्याप्रमाणे प्रमाणभूत क्षेत्रापेक्षा कमी शेतजमीन विकत घेता येत नाही. महाराष्ट्र सरकारच्या परिपत्रकानुसार, 1,2,3 अशी गुंठ्यांमध्ये शेतजमीन खरेदी विक्री करण्याला निर्बंध आले होते. यामुळे मोठी अडचण निर्माण झाली होती. यामुळे याबाबत निर्णय घेण्याची मागणी गेल्या काही दिवसांपासून शेतकरी करत होते.
दरम्यान, 2022 राज्य सरकारनं प्रसिद्ध केलेल्या राजपत्रानुसार, राज्यातल्या सगळ्या जिल्ह्यांमध्ये जिरायत जमिनीसाठी 20 गुंठे, तर बागायत जमिनीसाठी 10 गुंठे एवढं तुकड्याचं प्रमाणभूत क्षेत्र नमूद करण्यात आलं. या परिपत्रकाला विरोधही झाला होता. हे प्रकरण न्यायालयतही गेलं होतं. अखेर आता याबाबत निर्णय घेण्यात आला आहे.
