पुण्यातील वाहनधारकांसाठी मोठी बातमी ; HSRF नंबर प्लेटला पाचव्यांदा मुदतवाढ, काय आहे नवीन तारीख?

पुणे : राज्य परिवहन विभागाने उच्च न्यायालयाच्या आदेशानुसार 1 एप्रिल २०१९ पूर्वीच्या वाहनांना सुरक्षा नंबरप्लेट बसवण्याचे आदेश परिवहन विभागाने दिले होते. त्यानुसार जानेवारी महिन्यापासून ही नंबरप्लेट बसविण्याची प्रक्रिया राबविण्यात येत आहे.आतापर्यंत पुण्यातील केवळ 30 टक्के वाहनांना पाटी बसवण्यात आली आहे.मात्र अद्यापही पुण्यात १५ लाखांपेक्षा जास्त वाहनांना सुरक्षानंबर प्लेट बसविणे बाकी आहे.मात्र राज्य परिवहन विभागाने वाहनांना ‘उच्च सुरक्षा नोंदणी पाटी’ बसवण्यासाठी आतापर्यंत पाच वेळा मुदतवाढ दिली असल्याची माहिती समोर आली आहे. त्यामुळे वाहनधारकांना 31 डिसेंबर पर्यंत नंबर प्लेट बसवणे बंधनकारक आहे. आता एका महिन्यात एवढ्या नंबरप्लेट होणार का, असा प्रश्न उपस्थित केला जात आहे.

पुण्यात साधारण २५ लाखांच्या पुढे वाहनांना सुरक्षा नंबरप्लेट बसवावी लागणार आहे; पण अद्यापपर्यंत दहा लाखांच्या आसपास वाहनांनी नोंदणी केल्याचे दिसून आले आहे. म्हणजेच, पुण्यातच जवळजवळ १५ लाख वाहनांनी अद्यापही सुरक्षा नंबरप्लेट बसवणे बाकी आहे. परिवहन विभागाकडून अनेक वेळा मुदतवाढ देऊनही याकडे पाठ फिरवली आहे. पुण्यात अद्यापही ६५ टक्के वाहनांना नंबरप्लेट बसविलेली नाही. सध्या तरी सुरक्षा नंबरप्लेट नसलेल्या वाहनांची आरटीओतील कोणतीही कामे होत नाहीत. ३१ डिसेंबरनंतर नंबरप्लेट न बसविलेल्या वाहनांवर दंड होणार असल्यामुळे तातडीने त्या बसवून घ्याव्यात, असे आवाहन केले आहे.

दरम्यान राज्यात एक एप्रिल २०१९ पूर्वी नोंदणी झालेल्या जुन्या वाहनांची संख्या साधारण २.१० कोटी इतकी आहे. यातील ९० लाख वाहनांची एचएसआरपीसाठी नोंदणी झाली आहे. त्यातील ७३ लाख वाहनांना एचएसआरपी बसवण्यात आली आहे. पाटीचा दर्जा अतिशय खराब असणे, एक पाटी तुटल्यास किंवा खराब झाल्यास दोन्ही पाट्या विकत घेणे असा भुर्दंड वाहनचालकांना सहन करावा लागतो. त्यामुळे आता त्यांना 31 डिसेंबर पर्यंत HSRF नंबर प्लेट बसवावी लागणार आहे