उरुळी कांचन ग्रामपंचायतीच्या सरपंचपदी भाऊसाहेब लक्ष्मण कांचन यांची बिनविरोध निवड
उरुळी कांचन : उरुळी कांचन (ता.हवेली ) येथील ग्रामपंचायतीच्या सरपंचपदी भाऊसाहेब लक्ष्मण कांचन यांची बिनविरोध निवड करण्यात आली आहे.
उरुळी कांचनचे सरपंच राजेंद्र बबन कांचन यांनी आपल्या पदाचा राजीनामा दिल्यामुळे उरुळी कांचनच्या मंडल अधिकारी नूरजहाँ सय्यद यांच्या अध्यक्षतेखाली सोमवार (दि.१९) रोजी सरपंच पदासाठी निवडणूक घेण्यात आली.
या प्रक्रियेत सरपंचपदासाठी भाऊसाहेब कांचन यांचा एकमेव अर्ज आल्याने नूरजहाँ सय्यद यांनी भाऊसाहेब कांचन यांची समोवारी (दि. १९) सरपंचपदी बिनविरोध निवड झाल्याची घोषणा केली.
यावेळी क्षेत्रीय रेल्वे समितीचे सदस्य अजिंक्य कांचन, मावळते सरपंच राजेंद्र कांचन, जिल्हा नियोजन समितीचे सदस्य अलंकार कांचन, माजी सदस्य संतोष आबासाहेब कांचन, माजी सरपंच संतोष कांचन, उपसरपंच अनिता तुपे, माजी उपसरपंच अनिता बगाडे, संचिता कांचन, ग्रामपंचायत सदस्य अमित (बाबा) कांचन, मयूर कांचन, मिलिंद जगताप, सुनिल तांबे, शंकर बडेकर,ग्रामविकास अधिकारी यशवंत डोळस, सदस्या ऋतुजा कांचन, प्रियांका कांचन, सिमा कांचन, स्वप्नीशा कांचन, सुजाता खलसे, प्रियांका पाटेकर आदी ग्रामस्थ उपस्थित होते.
