Ashok Pawar : अखेर ठरलं! आमदार अशोक पवार उद्या भरणार उमेदवारी अर्ज…

Ashok Pawar : महाविकास आघाडीचा जागा वाटपाचा तिढा अद्याप सुटलेला नाही मात्र इकडे शिरूर हवेलीत आमदार अशोक पवारांचे ठरलं आहे. अशोक पवार उद्या (ता.२४) रोजी शिरूर हवेली विधानसभा मतदारसंघातून महाविकास आघाडीच्या राष्ट्रवादी काँग्रेस शरजचंद्र पवार पक्षाकडून आपला उमेदवारी अर्ज दाखल करणार आहेत.

मिळालेल्या माहिती नुसार, २४ ऑक्टोबर रोजी गुरुपृष्मृत योग असल्याने चांगला मुहर्त असुन याचे औचित्य साधत पवार उमेदवारी अर्ज दाखल करणार आहेत.

उद्योजक प्रकाश धारिवाल, खासदार सुप्रिया सुळे, खासदार अमोल कोल्हे, खासदार निलेश लंके यांच्या उपस्थित महाविकास आघाडीच्या शेकडो कार्यकर्त्यांसह शक्ती प्रदर्शन करत पवार आपला उमेदवारी अर्ज दाखल करणार आहेत. Ashok Pawar

दरम्यान, या वेळी पवार हे मोठे शक्ती प्रदर्शन करण्याची शक्यता असुन हजारो समर्थक व कार्यकर्ते उमेदवारी अर्ज भरण्यासाठी येणार आहेत. बाजार समितीतील छ्त्रपती शिवाजी महाराज यांच्या पुतळ्याला पुष्पहार घालुन सकाळी ९ .३० वाजता उमेदवारी अर्ज भरण्यासाठी रॅली निघणार असल्याची माहिती आहे.