Amol Kolhe Meet Sharad Pawar : मोठी बातमी! अमोल कोल्हेंनी घेतली शरद पवारांची भेट, कारणही आलं समोर.

Amol Kolhe Meet Sharad Pawar : राज्याच्या राजकारणात कालपासून उपमुख्यमंत्री अजित पवार यांच्या वक्तव्याची चर्चा सुरू आहे. अजित पवारांनी काल खासदार अमोल कोल्हेंविरोधात दंड थोपटले आणि अमोल कोल्हेंना निवडून आणण्यासाठी मी आणि दिलीप वळसे पाटलांनी जीवाचं रान केलं, पण यावेळी पाडणार म्हणजे पाडणारच, असं ते म्हणाले.
काल अजित पवारांनी ते वक्तव्य त्यानंतर आज सकाळीच ते अमोल कोल्हेंच्या मतदारसंघात पाहणी करण्यासाठी पोहोचले. सर्व घडामोडी घडत असतानाच आता खासदार अमोल कोल्हे यांनी शरद पवार यांची भेट घेतल्याची माहिती समोर आली आहे.
अमोल कोल्हे यांनी पक्षाचे ज्येष्ठ नेते शरद पवार यांची भेट घेतली असून उद्यापासून काढण्यात येणाऱ्या शेतकरी आक्रेश मोर्चाच्या पार्श्वभूमीवर ही भेट घेतली असल्याचे देखील यावेळी अमोल कोल्हे यांनी सांगितले आहे. उद्याच्या मोर्चासाठी शरद पवारांचं मार्गदर्शन घेतल्याचेही त्यांनी सांगितले. Amol Kolhe Meet Sharad Pawar
दरम्यान, अजित पवार यांनी शिरूर लोकसभा मतदारसंघात खासदार अमोल कोल्हे यांना ओपन चॅलेंज दिल्यानंतर अमोल कोल्हे आज राष्ट्रवादीचे सर्वेसर्वा शरद पवार यांची भेट घेलती आहे. त्यामुळे सध्या या भेटीची सगळीकडे चर्चा सुरु आहे. या भेटीवरून अनेक तर्कवितर्क देखील लावले जात आहेत.