कोरोनाव्हायरस चीनमध्ये कसा आला ? अमेरिकेने गोपनीय माहिती सार्वजनिक करणारा कायदा केला मंजूर…!

नवी दिल्ली : अमेरिकन संसदेत एक जबरदस्त दृश्य शुक्रवारी पाहायला मिळाले. खरेतर, चीनमधील वुहान इन्स्टिट्यूट ऑफ व्हायरोलॉजी कोरोनाव्हायरसच्या उत्पत्तीशी संबंधित गोपनीय माहिती सार्वजनिक करण्याची मागणी करणारे विधेयक संसदेचे कनिष्ठ सभागृह प्रतिनिधीगृहा मध्ये (प्रतिनिधी सभागृह) मंजूर करण्यात आले आहे.

आश्चर्याची बाब म्हणजे या विधेयकाबाबत सत्ताधारी डेमोक्रॅट पक्ष आणि विरोधी रिपब्लिकन पक्षाचे खासदार अमेरिकन संसदेत एकत्र आले आणि हा प्रस्ताव एकमताने मंजूर करण्यात आला. अमेरिकन गुप्तचर संस्थांनी साथीच्या आजाराबाबत जी काही माहिती गोळा केली आहे ती राष्ट्राध्यक्ष जो बायडेन यांच्या वतीने सार्वजनिक करावी, अशी खासदारांची मागणी आहे. आता हे विधेयक अमेरिकेच्या राष्ट्राध्यक्षांकडे पाठवले जाणार असून ते गुप्तचर यंत्रणा ठरवतील की या प्रकरणाची एजन्सींनी गोळा केलेली माहिती जाहीर करायची की नाही.

सिनेटने देखील हा प्रस्ताव मंजूर केला आहे. या महिन्याच्या सुरुवातीला, अमेरिकन संसदेच्या वरिष्ठ सभागृहाने, सिनेटने एकमताने असाच एक ठराव संमत केला, ज्यामध्ये अमेरिकेच्या राष्ट्रीय गुप्तचर सेवा संचालक एव्हरिल हेन्स यांनी कोविड उत्पत्ति व चीनच्या कनेक्शनशी संबंधित माहिती जाहीर करण्यात यावी अशी मागणी करण्यात आली आहे.

विशेष म्हणजे, कोरोनाव्हायरसची सुरुवातीची प्रकरणे 2019 मध्ये केवळ चीनमधील वुहानमध्ये नोंदवली गेली होती. मात्र, सुरुवातीपासूनच चीनने त्याच्याशी संबंधित माहिती इतर देशांपासून आणि जागतिक आरोग्य संघटनेपासून (WHO) लपवून ठेवली. हा विषाणू चीनमध्ये कसा अस्तित्वात आला आणि त्याचा प्रसार कसा सुरू झाला हे अद्याप स्पष्ट झालेले नाही. कोरोनाव्हायरसच्या प्रसाराबाबत शास्त्रज्ञांकडेही अनेक सिद्धांत आहेत. प्राण्यांमधून तो माणसांमध्ये पुढे आला असावा असे म्हटले जात होते.