Akhil Mishra Death : ‘3 इडियट्स’ फेम प्रसिद्ध अभिनेत्याचे निधन, वयाच्या ५८ व्या वर्षी घेतला अखेरचा श्वास…

Akhil Mishra Death मुंबई : थ्री इडियट्स या चित्रपटात लायब्रेरियन दुबी ही भूमिका साकारलेले अभिनेते अखिल मिश्रा यांचे निधन झाले आहे. ते ५८ वर्षांचे होते. अभिनेत्याचा मृतदेह पोस्टमॉर्टमसाठी पाठवण्यात आला आहे. अखिल मिश्रा यांच्या निधनाने बॉलिवूडवर शोककळा पसरली आहे. Akhil Mishra Death

मिळालेल्या माहिती नुसार, अखिल त्याच्या स्वयंपाकघरात काम करत होता आणि घसरला. अखिल स्वयंपाकघरात जमिनीवर जखमी अवस्थेत सापडला आणि रुग्णालयात त्याचा मृत्यू झाला.

ही घटना घडली तेव्हा अखिल यांची पत्नी सुझान बर्नर्ट ही हैदराबादमध्ये शूटिंग करत होती. “माझे हृदय तुटले आहे, माझ्या आयुष्याचा भाग मला सोडून गेला आहे.” अशा भावना अखिल मिश्रा यांच्या निधनानंतर सुझानने व्यक्त केल्या आहेत.

अखिल मिश्रा यांनी डॉन , हजारों ख्वैशीं ऐसी, गांधी माय फादर , शिखर , कमला की मौत, वेल डन अब्बा या चित्रपटांमध्ये काम केलं. ‘3 इडियट्स’मधील दुबे या भूमिकेमुळे त्यांना विशेष लोकप्रियता मिळाली.

प्रधान मंत्री या मालिकेत देखील त्यांनी काम केले. ते उतरन, उडान, सीआयडी, श्रीमान श्रीमती, हातिम आणि इतर अनेक लोकप्रिय टेलिव्हिजन कार्यक्रमांचा भाग होते.