अजितदादा आता पळ काढू नका!! शेतकऱ्यांना आश्वासन दिलंय, त्यांची कर्जमाफी कराच….
मुंबई : विधानसभा निवडणुकीच्या रिंगणात महायुती सरकारने शेतकऱ्यांना कर्जमाफीचे आश्वासन दिलं होतं. आता शेतकरी कर्जमाफीवरून महायुती मधील मंत्र्यांमध्ये मतभेद असल्याचे दिसून येत आहे. यामुळे आता विरोधी पक्ष आक्रमक झाले आहेत.
याबाबत विजय वडेट्टीवार म्हणाले, शेतकरी कर्जमाफीवरून मंत्री म्हणत आहेत की आम्ही असे आश्वासन दिले नव्हते. म्हणजे मलिदा खाण्यासाठी तिन्ही पक्ष एकत्र येणार पण शेतकऱ्यांना कर्जमाफी देण्याची वेळ आली की कारणे देऊन जबाबदारी झटकायचे हे योग्य नाही. कर्जमाफी झाली पाहिजे.
सरकार म्हणून ही सामूहिक जबाबदारी आहे, त्यामुळे आता सरकारने पळ काढू नये,बेइमानी करू नये, असेही ते म्हणाले. यामुळे राजकीय वातावरण तापलं आहे. हे सरकार विश्वासघातकी आहे, अशा शब्दात विजय वडेट्टीवार यांनी जोरदार टीका केली. याबाबत भाजप आणि राष्ट्रवादीची वेगवेगळी भूमिका असल्याचे दिसून आले.
तसेच सरकारने निवडणुकीच्या वेळी लाडक्या बहिणींना २१०० रुपये देण्याची घोषणा केली होती. पण आता त्यांची पैसे देण्याची औकात नाही उलट या योजनेतील महिलांची संख्या सरकार कमी करत आहेत. सरकारला काहीच कसे वाटत नाही, असेही वडेट्टीवार म्हणाले.
दरम्यान, महायुती सरकारने निवडणुकीच्या आधी मोठी आश्वासन दिली. सरकार आल्यावर मात्र सरकार बेइमानी करत आहे. लाडक्या बहिणींना अपात्र केले जाते आहे तर दुसरीकडे शेतकरी कर्जमाफीवरून महायुती मधील मंत्र्यांमध्ये मतभेद आहेत. यामुळे शेतकरी आक्रमक झाले आहेत.
