अजित पवारांचा आता असाही सल्ला! देवेंद्र फडणवीस सगळ्यांची नोंद घेतात, जपून वागा..!!
Ajit Pawar : महायुतीचे उमेदवार निवडून आणण्यासाठी तुम्ही काम करत राहा. कुठे दगडफेक केली, कुठे शिवीगाळ केला असं आपण करू नका. गेल्या वेळेस पेक्षा जास्त मतांनी इथे आपली सीट आणायचे आहे. असा सल्ला उपमुख्यमंत्री अजित पवार यांनी कार्यकर्त्यांना दिला आहे.
त्याचबरोबर आगामी निवडणुकीमध्ये ‘घड्याळ तेच वेळ नवी’ हे आपलं स्लोगन असल्याचे देखील अजित पवार यांनी सांगितले. अजित पवार म्हणाले, “सध्या आपण युतीमध्ये आहोत. काम करताना विरोधात प्रश्न विचारून प्रश्न सुटत नाही. त्यामुळे सत्तेत असणं खूप गरजेचं आहे.
लोकसभेत मोठ्या प्रमाणात लोकप्रतिनिधी निवडून आणून पुन्हा नरेंद्र मोदी यांना पंतप्रधान म्हणून निवडून आणायचे आहे. असे देखील अजित पवार म्हणाले आहेत.
पवार म्हणाले, कोणीही गाफील राहू नका. कोणी काही वक्तव्य करत असेल तर तसं करू नका. जर कोणी वक्तव्य केले तर त्याची नोंद उपमुख्यमंत्री देवेंद्र फडणवीस, रवींद्र चव्हाण आणि चंद्रशेखर बावनकुळे घेतात. त्यावर आमची व्यवस्थित चर्चा झालेली आहे. त्यामुळे तुम्ही तुमच्या भावना दुखवून घेऊ नका. असं उपमुख्यमंत्री अजित पवार म्हणाले आहेत.
