Ajit Pawar : चला मतं येऊ द्या! प्रसिद्ध कॉमेडी किंग भाऊ कदम करणार अजित पवार यांचा प्रचार, सयाजी शिंदेंनंतर कदमांची राष्ट्रवादीच्या घड्याळाला साथ…
Ajit Pawar : आगामी विधानसभा निवडणुकांच्या पार्श्वभूमीवर राज्यात प्रचंड चुरस रंगल्याचं पाहायला मिळत आहे. अशातच आता प्रत्येक पक्षानं प्रचाराचा धुरळा उडवला आहे. भव्य रॅली, जाहीर सभा यांसारखे अनेक फंडे राजकीय पक्ष प्रचारासाठी वापरत असल्याचं पाहायला मिळत आहे. अशातच अनेक सेलिब्रिटीदेखील अनेक राजकीय पक्षांचा प्रचार करताना पाहायला मिळत आहेत.
अशातच प्रसिद्ध कॉमेडी किंग भाऊ कदम यांनी राज्याचे उपमुख्यमंत्री आणि राष्ट्रवादी कॉग्रेसचे अध्यक्ष अजित पवार यांची देवगिरी निवासस्थानी सदिच्छा भेट घेतली. सयाजी शिंदेंपाठोपाठ आता प्रसिद्ध कॉमेडी किंग भाऊ कदम देखील अजित पवारांच्या राष्ट्रवादीचा प्रचार करताना दिसणार आहे. Ajit Pawar
सर्वत्र विधानसभा निडणुकीच्या चर्चा रंगलेल्या असताना भाऊ कदम आणि अजित पवार यांची भेट चर्चेचा विषय ठरत आहे. लोकांना खळखळवून हसवणारे कॉमेडी किंग भाऊ कदम अजित पवारांच्या राष्ट्रवादी काँग्रेसचा प्रचार करताना दिसणार आहेत.
सयाजी शिंदे यांच्यानंतर आणखी एक सेलिब्रिटी अजित पवारांच्या राष्ट्रवादीच्या प्रचारात दिसणार आहे. अजित पवारांची लाडकी बहीण योजना यासह विविध योजनांची माहिती भाऊ कदम प्रचार रॅलीत सहभागी होऊन सर्वसामान्य नागरिकांपर्यंत पोहोचवणार असल्याची माहिती मिळत आहे. राष्ट्रवादी काँग्रेस अजित पवार गटाकडून राज्यभरात भाऊ कदम यांच्या प्रचार रॅलीच आयोजन केले जाणार आहे.
