Accident News : नवीन कात्रज बोगद्याजवळ दुचाकी घसरू शाळकरी मुलाचा मृत्यू, आई- वडील गंभीर जखमी..

Accident News : राज्यात अलीकडे अपघातांच्या घटनेत वाढ होताना दिसत आहे. सध्या अशीच एक घटना समोर आली आहे. भरधाव दुचाकी घसरून दुचाकीवरील सहप्रवासी शाळकरी मुलाचा मृत्यू झाल्याची घटना समोर आली आहे. ही घटना मुंबई-बंगळुरू बाह्यवळण मार्गावर नवीन कात्रज बोगदा परिसरात घडली आहे.

आदित्य सचिन भिंताडे (वय. १२, रा. मोडक वस्ती, जांभुळवाडी रस्ता, आंबेगाव बुद्रुक) असे मृत्युमुखी पडलेल्याचे नाव आहेत. अपघातात आदित्यचे दुचाकीस्वार वडील सचिन (वय. ४३), आई वासंती (वय. ३८) जखमी झाले आहेत. त्यांच्यावर रुग्णालयात उपचार सुरू आहेत.

मिळालेल्या माहिती नुसार, सचिन, पत्नी वासंती, मुलगा आदित्य बाह्यवळण मार्गावरून रविवारी दुपारी साताऱ्याकडे निघाले होते. नवीन कात्रज बोगद्याजवळ सचिन यांचे नियंत्रण सुटले. दुचाकी घसरल्याने सचिन, त्यांचा मुलगा आदित्य, पत्नी वासंती यांना दुखापत झाली. Accident News

तिघांना रुग्णालयात दाखल करण्यात आले. आदित्य याच्या डोक्याला गंभीर दुखापत झाल्याने त्याचा रुग्णालयात उपचारादरम्यान मृत्यू झाला. या घटनेचा पुढील तपास पोलीस उपनिरीक्षक मोहन जाधव तपास करत आहेत.