Accident News : तामिळनाडूत भीषण अपघात! बस दरीत कोसळून ८ जणांचा मृत्यू; अनेकजण गंभीर जखमी..

Accident News :  अपघातांच्या घटनेत सध्या वाढ होत असून सध्या अशीच एक अपघाताची धक्कादायक बातमी समोर आली आहे. तामिळनाडूच्या कुन्नूरमध्ये एक भीषण अपघात झाल्याची माहिती समोर आली आहे. Accident News

शनिवारी (ता.३०) संध्याकाळच्या सुमारास तामिळनाडूमधील मारापलमजवळ पर्यटक बस कोसळली आणि भीषण अपघात झाला. या अपघातात आठ जणांचा मृत्यू झाला आणि अनेकांची प्रकृती गंभीर असल्याची माहिती मिळत आहे. या अपघातामध्ये जवळपास २५ प्रवासी होते. Accident News

या ठिकाणी एक बस खोल दरीत कोसळल्याची घटना घडली. हा अपघात एवढा भीषण होता की, यामध्ये ८ जणांचा मृत्यू झाला आहे. तर, अनेक जण गंभीर जखमी झाल्याची माहिती आहे. तसेच या घटनेची माहिती मिळताच तेथील स्थानिक लोकांनी घटनास्थळी धाव घेतली आणि जखमी लोकांना बसमधून बाहेर काढले.

त्यानंतर जखमींना तात्काळ जवळच्या रुग्णालयात दाखल करण्यात आले. सध्या जखमींवर रुग्णालयामध्ये उपचार सुरू आहेत. त्याचबरोबर अपघाताची माहिती मिळतात पोलीस देखील घटनास्थळी दाखल झाले आणि बचाव कार्यास सुरुवात केली.